აზერბაიჯანის ხელისუფლებამ ჟურნალისტებს მორიგი საცხოვრებელი კორპუსი გადასცა საჩუქრად

აზერბაიჯანის პრეზიდენტმა ილჰამ ალიევმა, პრესის ეროვნულ დღესთან დაკავშირებით, აზერბაიჯანელ ჟურნალისტებს საცხოვრებელი ბინები გადასცა. მრავალსართულიან შენობაში, რომელიც სპეციალურად მედიის წარმომადგენლებისთვის აშენდა, სულ 255 საცხოვრებელი ბინაა.

ალიევმა აღნიშნული შენობა პირადად გახსნა, ჯილდოს მიმღებებთან ფოტოებიც გადაიღო და სრულად გარემონტებული ბინებიც დაათვალიერა. ეს არ არის პირველი შემთხვევა, როდესაც აზერბაიჯანის ხელისუფლება ადგილობრივი ჟურნალისტების მოსყიდვას ცდილობს. პირველი საცხოვრებელი სახლი ჟურნალისტებისთვის ჯერ კიდევ რამდენიმე წლის წინ აშენდა.

აზერბაიჯანში მედიის მდგომარეობა, რეგიონის მასშტაბით, წლიდან წლამდე უარესდება, აპატიმრებენ ხელისუფლებისადმი კრიტიკულად განწყობილ ჟურნალისტებს, არ აძლევენ ქვეყნის დატოვების საშუალებას და უფრო მეტიც, ცდილობენ პრობლემები შეუქმნან საზღვარგარეთაც. საქართველოს ხელისუფლებას ამ დრომდე არ აქვს გამოძიებული აზერბაიჯანელი ჟურნალისტის, აფგან მუხტარლის საქმე, რომელიც თბილისიდან გაიტაცეს და ამჟამად ბაქოს ციხეში იმყოფება. მუხტარლი, ოჯახთან ერთად, თბილისს აფარებდა თავს.

ბოლო ამბები:

გირჩევთ