მელია: ამიერიდან ჩვენს ბრძოლას აქვს კონკრეტული სახელი და ეს სახელი არის "ახალი"

11 Mar. 2024, 15:24

მსურს ვისაუბრო გაცილებით მეტი იმ საკითხებზე, რასაც ხალხის ინტერესი ჰქვია და მინდა, აქედან ამოვიდე. მჯერა, რომ გამარჯვების რწმენა, რომელიც დღეს ბევრს აკლია, და აკლია არა მხოლოდ ამომრჩევლებს, არა უბრალოდ ხალხს, მათ შორის, არც თუ ისე ცოტა იმ ადამიანს, ვინც აქტიურად არის ჩართული პოლიტიკურ ოპოზიციურ მოძრაობაში და ეს ერთობა, დარწმუნებული ვარ, მოიტანს ნიჰილიზმის დამარცხებას და გამარჯვების შეტანას ყველა ოჯახში, ყველა ქალაქსა და დაბაში და არის ის, რაც სჭირდება ჩვენს მომავალს.

და მომავალი არის ჩვენს ხელთ. საკუთარი ბედის მჭედლები ვართ ჩვენ. როდესაც ვსაუბრობთ, წარმოვადგენ ათობით ათას თანამებრძოლს, რომელთაც სჯეროდათ და სჯერათ, რომ მნიშვნელოვანია მანკიერი რეჟიმის დასამარცხებლად არა ფული, არამედ პირველ რიგში, ღირსება და სიმართლე.

რომლებსაც სჯეროდათ და სჯერათ, რომ მორალური უპირატესობა მნიშვნელოვანია და სწორ ღირებულებით ერთობაშია გამოსავალი.

დარწმუნებული ვარ, რომ დაკვეთა, რომელიც საზოგადოებაშია, ვპასუხობთ დღეს. დღეს აქ შევიკრიბეთ ძალიან ვიწრო წრეში. როგორც ნიკა გვარამიამ აღნიშნა, ეს არ არის პარტიული ყრილობა. სულ ცოტა ხანში გვექნება სადამფუძნებლო პარტიული ყრილობა და იქ გამოჩნდება კიდევ უფრო მკაფიოდ, თუ რამდენი ადამიანია მზად, იბრძოლოს სიმართლითა და ღირსებით.

ჩვენს ბრძოლას, გამარჯვების რწმენას, ამიერიდან კონკრეტული სახელი აქვს და ეს სახელი არის "ახალი", ჩვენს გზას წინ მომავლისკენ აქვს კონკრეტული სიმბოლო და ეს სიმბოლო არის ნომერი 4.

ბოლო ამბები:

ნიკა მელია მელია: ამიერიდან ჩვენს ბრძოლას აქვს კონკრეტული სახელი და ეს სახელი არის "ახალი"

კომენტარები

კვირის ტოპ-5

გირჩევთ

ახლა კითხულობენ

მარია ზახაროვა: გულბაათ რცხილაძე გულწრფელად უჭერდა მხარს რუსეთსა და საქართველოს შორის უთანხმოების დაძლევას