წლევანდელმა ოსკარმა შესანიშნავი ფილმების გარდა, დაუვიწყარი სანახაობითაც დაგვამახსოვრა თავი. მაგალითად, რთულად დაგვავიწყდება, რომ დაჯილდოებაზე ჯონ სინა სცენაზე თითქმის შიშველი გამოჩნდა. მსახიობს კოსტიუმების საუკეთესო დიზაინის კატეგორიაში გამარჯვებული ფილმი უნდა დაესახელებინა.

სცენაზე სინას გამოჩენამდე წამყვანმა ჯიმი კიმელმა აუდიტორიას 1974 წელს გამართული ოსკარის 46-ე დაჯილდოება გაახსენა, როდესაც მსახიობი დევიდ ნივენი ოსკარის სცენაზე ნომინანტებს წარადგენდა და მის უკან უცნობმა შიშველმა კაცმა გაირბინა.

ამის შემდეგ კიმელი აუდიტორიას ეხუმრა კიდეც, რა გიჟური იდეა იქნებოდა, ამ წლის დაჯილდოებაზე ვინმე ანალოგიურად რომ მოქცეულიყოო, რასაც ჯონ სინას გამოჩენაც მოჰყვა. მსახიობს წინ მხოლოდ ოსკარის კონვერტი ჰქონდა აფარებული, რის დანახვაზეც მაყურებლებს სიცილი აუტყდათ.

ფოტო: Getty

სინამდვილეში აღმოჩნდა, რომ მსახიობი მთლიანად შიშველი სულაც არ ყოფილა.

ფოტო: Getty

"კოსტიუმები ფილმის ერთ-ერთი ყველაზე მნიშვნელოვანი ნაწილია", — იხუმრა თითქმის შიშველმა სინამ.

აღსანიშნავია, რომ ჯონ სინა ბარბიშიც გამოჩნდა. ფილმის საუნდტრეკი What Was I made for დაჯილდოებაზე წლის სიმღერად დასახელდა.

იხილეთ ასევე: