რა ხდება: ირაკლი კობახიძემ დღეს, 11 მარტს, მთავრობის ადმინისტრაციაში გამართულ ბრიფინგზე საზოგადოებას ადმინისტრაციაში მომხდარი საკადრო ცვლილებები გააცნო.

  • ზურაბ აბაშიძე, რომელიც ამ დრომდე რუსეთის საკითხებში პრემიერ-მინისტრის მრჩევლის თანამდებობას იკავებდა, პრემიერ-მინისტრის მრჩეველი გახდა.
  • რუსეთის საკითხებში მრჩევლად კი ის გიორგი ქაჯაიამ შეცვალა.

დეტალები: აბაშიძეს თანამდებობა 2012 წლიდან ეკავა.

  • ის მართავდა აბაშიძე-კარასინის ფორმატში მოლაპარაკებებს, გრიგორი კარასინი რუსეთის ფედერაციული საბჭოს საგარეო ურთიერთობათა კომიტეტის ხელმძღვანელია.
  • გაგრძელდება თუ არა ახალი მრჩევლის პირობებში ეს მოლაპარაკებები, კობახიძეს არ უთქვამს.

პრემიერ-მინისტრის თქმით, გადაწყვეტილება აბაშიძემ თავად მიიღო.

რაც შეეხება გიორგი ქაჯაიას, რომელმაც აბაშიძე შეცვალა, ის რუსეთში შვეიცარიის საელჩოსთან არსებული საქართველოს ინტერესების სექციის ხელმძღვანელი იყო.