აზერბაიჯანის პოლიციამ ონლაინ ტელეკომპანია Toplum TV-ის ოფისში რეიდი მოაწყო.

ჟურნალისტმა გულზარ მამედლიმ დღეს, 6 მარტს განაცხადა, რომ პოლიციამ ალყა შემოარტყა შენობას და დააკავა საიტის ორი ჟურნალისტი, ელმირ აბასოვი და არაზ ალიევი. რადიო თავისუფლება იტყობინება, რომ სხვა ჟურნალისტები პოლიციამ წაიყვანა და მათთან დაკავშირება, ამჟამად, ვერ ხერხდება.

შინაგან საქმეთა სამინისტრომ BBC აზერბაიჯანს განუცხადა, რომ "ჯგუფის საქმიანობის შესახებ მიღებული ინფორმაციის საფუძველზე ოპერატიული სამძებრო ღონისძიებები ტარდებოდა".

ეს რეიდი მიმდინარეობს მედიის რეპრესიების ფონზე — პოლიციამ დაარბია ის რამდენიმე მედიასაშუალება, რომელიც ჯერ კიდევ მოქმედებენ აზერბაიჯანში და არ იცავენ პრო-სამთავრობო ხაზს.

Toplum TV არის დამოუკიდებელი საინფორმაციო საიტი, რომელიც დაარსდა 2016 წელს, მედია ადვოკატის, ალასგარ მამადლის მიერ. საიტის მთავარი რედაქტორია ცნობილი აზერბაიჯანელი გამომძიებელი ჟურნალისტი ხადიჯა ისმაილი.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.