გახსოვთ, წინა კვირას გლაზგოში ვილი ვონკას ჩაშლილ წვეულებაზე რომ მოგიყევით? როგორი იმედგამაცრუებელი აღმოჩნდა ეს ღონისძიება, რომ იქიდან ბავშვები ტირილით, მშობლები კი პოლიციაში რეკვით წამოვიდნენ... ინტერნეტში გავრცელებული ფოტო და ვიდეო მასალაც თუ ნახეთ, "რა შევუკვეთე — რა ჩამოვიდა" ტრენდი გაგახსენდებათ და იფიქრებთ, რომ მთელი ეს ღონისძიება ნამდვილი ჰორორი იყო.

სწორედ ასე ჩათვალეს შოტლანდიურ კინოკომპანია Kaledonia Pictures-შიც და ჩაშლილი წვეულებით შთაგონებულებმა საშინელებათა ჟანრის ახალი ფილმი დააანონსეს. კომპანიის ცნობით, ფილმს, რომელსაც მაყურებელი წლის მიწურულს იხილავს, უცნობი (The Unknown) ერქმევა ერქმევა. მისი მთავარი გმირი სწორედ ის "უცნობი" იქნება, რომლის ღონისძიებაზე გამოჩენისას ბავშვები ატირებულები გაიქცნენ.

@loribeynon saw this on facebook i had to post 😭😭 #wonka #meme #fyp #funny #wonkaexperience #willywonka #loribeynon #glasgow ♬ its the unknown - Lori Beynon

"ფილმი გვიყვება ცნობილ ილუსტრატორსა და მის ცოლზე, რომლებიც თავიანთი შვილის, ჩარლის, ტრაგიკული სიკვდილის შემდეგ მოსვენებას კარგავენ. მწუხარებისგან მოშორების სურვილით, ისინი ყველაფერს უკან მოიტოვებენ და მიაშურებენ შოტლანდიის მთიანეთს, სადაც შეუცნობელი ბოროტება ელოდებათ", — ვკითხულობთ ფილმის ანოტაციაში.

ვილი ვონკას წვეულება გლაზგოში

თებერვლის ბოლოს, უქმეებზე, ორგანიზაციამ House of Illuminati 2023 წლის ფილმის, ვონკას, თემატიკის წვეულება დააანონსა. წვეულების ორგანიზატორები სტუმრებს ტკბილეულით სავსე ზეიმს ჰპირდებოდნენ: უზარმაზარ სოკოებს, კანფეტის ჯოხებს, შოკოლადის შადრევნებს... ეს ყველაფერი კი, არც მეტი, არც ნაკლები, მოცეკვავე უმპა-ლუმპებს უნდა გაეხმოვანებინათ — ვონკას დამხმარეებს.

///

თუმცა, ადგილზე მისულ სტუმრებს მხოლოდ ალაგ-ალაგ მიმოფანტული დეკორაციებით უხეიროდ გაფორმებული სივრცე დახვდათ. თითქოს ეს არ კმაროდაო, წვეულებაზე გაცოცხლებული პერსონაჟები ძმები გრიმების ზღაპრიდან გადმოსულ არსებებს უფრო მოგაგონებდათ, ვიდრე დალისეულ გმირებს.

ღონისძიების პირველი სტუმრების პროტესტის შემდეგ, წვეულება ნაადრევად დასრულდა, ბავშვების მშობლებმა კი ბილეთების საფასურის დაბრუნებაც მოითხოვეს. მოგვიანებით, ორგანიზატორებმა სტუმრებს მოუბოდიშეს და თანხის სრულად დაბრუნებასაც დაჰპირდნენ.

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...