რა ხდება: 43-მა ქვეყანამ მოითხოვა, ჩატარდეს დამოუკიდებელი, საერთაშორისო გამოძიება რუსი ოპოზიციონერი ლიდერის, ალექსეი ნავალნის გარდაცვალების საქმეზე.

  • ქვეყნები აცხადებენ, რომ ნავალნის გარდაცვალებაზე საბოლოო პასუხისმგებლობა რუსეთის პრეზიდენტს, ვლადიმერ პუტინს ეკისრება.

რომელი ქვეყნებია სიაში: ევროკავშირის წევრი სახელმწიფოები, ასევე, ამერიკის შეერთებული შტატები, დიდი ბრიტანეთი, უკრაინა, ავსტრალია, კანადა, ახალი ზელანდია და ნორვეგია — ისინი იყვნენ მათ შორის, რომლებმაც გაეროს ადამიანის უფლებათა საბჭოში ნავალნის სიკვდილის გამო აღშფოთება გამოხატეს.

  • საქართველო გაეროს ადამიანის უფლებათა საბჭოს წევრია, თუმცა, ეხო კავკაზას თანახმად, საქართველოს ხელისუფლებას ჯერ არ გაუკეთებია კომენტარი, შეუერთდება თუ არა განცხადებას.

"ჩვენ აღშფოთებულები ვართ რუსი ოპოზიციონერი პოლიტიკოსის, ალექსეი ნავალნის სიკვდილით, რაზეც, საბოლოო პასუხისმგებლობა პრეზიდენტ პუტინსა და რუსეთის ხელისუფლებას ეკისრება", — განუცხადა ევროკავშირის ელჩმა ლოტე კნუდსენმა.

გაიგე მეტი: გამოითვალეს, რამდენი ადამიანი დაესწრო ნავალნის დაკრძალვას მოსკოვში