მოკლედ: თბილისის სააპელაციო სასამართლომ მსჯავრდადებული ყოფილი პოლიციელი გიორგი ბეროზაშვილი უვადო პატიმრობაში დატოვა.

დეტალები: თბილისის საქალაქო სასამართლოს განაჩენი, რომლის მიხედვითაც გიორგი ბეროზაშვილი მშობლების მკვლელობაში დამნაშავედ ცნეს და უვადო თავისუფლების აღკვეთა მიესაჯა, დაცვის მხარემ გაასაჩივრა.

  • მეორე ინსტანციის სასამართლომ გადაწყვეტილება უცვლელი დატოვა.

ბოლო ხაზი: 2022 წლის 27 აპრილს, თბილისში, გიორგი ბეროზაშვილმა მძინარე მშობლები მოკლა. გამოძიების თანახმად, ბრალდებულმა ყაჩაღობის ინსცენირება მოახდინა, შემდეგ კი კვალის დაფარვის მიზნით, სახლს ცეცხლი წაუკიდა და მიიმალა.

  • ბეროზაშვილს ბრალდება წარედგინა ცეცხლსასროლი იარაღისა და საბრძოლო მასალის უკანონოდ შეძენა-შენახვა-ტარებასა და უმწეო მდგომარეობაში მყოფი ოჯახის ორი წევრის განზრახ მკვლელობაში.
  • ბრალდება სასჯელის სახედ და ზომად 16 წლიდან 20 წლამდე ან უვადო თავისუფლების აღკვეთას ითვალისწინებს.