"დემოკრატიულ სახელმწიფოში საგარეო პოლიტიკის წარმოების ანა-ბანაა, რომ დიპლომატიურ კორპუსს პარტიული დავალებები არ ეძლევა", - ასე ეხმაურება პრეზიდენტის საერთაშორისო მდივანი, თენგიზ ფხალაძე ამბასადორიალზე, პარლამენტის თავმჯდომარის მიერ გაკეთებულ განცხადებებს.

ფხალაძის თქმით, სრულიად მიუღებელი და დაუშვებელია დიპლომატიური კორპუსისთვის მსგავსი დავალებების მიცემა. მისივე განცხადებით, მსგავსი პრაქტიკა ქართულმა საზოგადოებამ 2012 წელს დაასრულა:

"უაღრესად სამწუხაროა და ძალიან ცუდია, თუკი პარლამენტის თავმჯდომარე დიპლომატიურ კორპუსს ესაუბრება როგორც პარტიულ აქტივს და აძლევს მათ პარტიულ დავალებებს."

დღეს, 19 ივლისს, პარლამენტის თავმჯდომარემ ამბასადორიალზე საკონსტიტუციო ცვლილებებთან დაკავშირებით ისაუბრა.