მოკლედ: დარტყმამ სირიის დედაქალაქ დამასკოში, რომელიც, სავარაუდოდ ისრაელმა განახორციელა, სულ მცირე 2 ადამიანი ემსხვერპლა.

  • ინფორმაციას BBC ადგილობრივ მედიასა და აქტივისტებზე დაყრდნობით ავრცელებს.

დეტალები: სირიის შეიარაღებული ძალების ცნობით, კაფრ სოუსას დასახლებაში, საცხოვრებელ უბანში რამდენიმე რაკეტის ჩამოვარდნის შედეგად, 2 სამოქალაქო პირი დაიღუპა.

  • სირიის სამთავრობო საინფორმაციო სააგენტო სანა, შეიარაღებულ ძალებზე დაყრდნობით წერს, რომ დამასკოს მიმართულებით რაკეტები ისრაელის მიერ ოკუპირებული გოლანის მაღლობებიდან გაუშვეს, ადგილობრივი დროით 09:40 საათზე.
  • რაკეტები ქალაქის დასავლეთით მდებარე კაფრ სოუსაში ჩამოვარდა. მათი ინფორმაციით, დაიღუპა ორი და დაშავდა ერთი ადამიანი.

გაერთიანებულ სამეფოში ბაზირებული, სირიული ადამიანის უფლებების მონიტორინგის ჯგუფის ინფორმაციით, რაკეტამ იმსხვერპლა 2 სხვა ქვეყნის მოქალაქე, რომლებიც ერთ-ერთ ბინაში იმყოფებოდნენ. სირიის მოქალაქეს კი, რომელიც ამ დროს ქუჩაში იყო, ნამსხვრევი მოხვდა და ამის შედეგად დაიღუპა.

  • მონიტორინგის ჯგუფი, სირიაში მიმდინარე მოვლენებს, წყაროების ქსელის საშუალებით სწავლობს.
  • ისრაელის შეიარაღებულ ძალებს მომხდარზე კომენტარი არ გაუკეთებია.