მოკლედ: როიტერსის ინფორმაციით, ნიუ-იორკის სასამართლომ ამერიკის ყოფილი პრეზიდენტი დონალდ ტრამპი, ფინანსური თაღლითობის გამო, 354,9 მილიონი დოლარით დააჯარიმა.

  • გადაწყვეტილება გუშინ, 16 თებერვალს, მოსამართლე არტურ ენგორონმა მიიღო.

დეტალები: დონალდ ტრამპი, ათი წლის განმავლობაში, თავისი საოჯახო ბიზნესის —Trump Organization-ის სუფთა ღირებულებას 3,6 მილიარდი დოლარით ზრდიდა, რათა "ბანკების მოტყუების გზით, სესხის უკეთესი პირობები მიეღო".

  • გარდა დაკისრებული ჯარიმისა, სასამართლომ ტრამპს სამი წლის განმავლობაში აუკრძალა ნიუ-იორკის ნებისმიერი კომპანიის დირექტორობა ან კომპანიასთან თანამშრომლობა.
  • ტრამპი და მისი კომპანიები ნიუ-იორკის ფინანსური დაწესებულებებიდან სესხს ვერ მოითხოვენ.
  • სასამართლომ 4-4 მილიონი დოლარით დააჯარიმა ტრამპის შვილები დონალდი და ერიკი. მათ, ორი წლის განმავლობაში, ნიუ-იორკში კომპანიების ხელმძღვანელობა აეკრძალათ.

ბოლო ხაზი: როიტერსის მიხედვით, ტრამპი და მისი შვილები განაჩენის გასაჩივრებას აპირებენ. ამჟამად დონალდ ტრამპზე ოთხი სისხლის საქმეა აღძრული.