მოკლედ: საქართველოს აეროპორტების გაერთიანება აცხადებს, რომ Wizz Air-ის თვითმფრინავის ბორტზე, რეისის ნომრით W66417, ასაფეთქებელი მოწყობილობა ან ნივთიერება არ აღმოჩნდა.

  • თვითმფრინავი სახელმწიფო უსაფრთხოების სამსახურის და შინაგან საქმეთა სამინისტროს მიერ შემოწმდა.

დეტალები: აეროპორტების გაერთიანების მიხედვით, ქუთაისი-ბარსელონას რეისი დღეს, 14 თებერვალს, ადგილობრივი დროით 19:00 საათზე შესრულდება. მათი თქმით, რეისის 148-ვე მგზავრმა შემოწმება გაიარა და მათ აეროპორტში სათანადო მომსახურება გაეწიათ.

კონტექსტი: დღეს, ავიაკომპანია Wizz Air-ის თვითმფრინავი ქუთაისიდან ბარსელონის მიმართულებით გაფრენის შემდეგ, ისევ ქუთაისის აეროპორტში მიბრუნდა.

  • მიზეზი ავიაკომპანიის მიერ მოწოდებული ინფორმაცია გახდა, ბორტზე ასაფეთქებელი ნივთიერების სავარაუდო არსებობის შესახებ, რის საფუძველზეც ეკიპაჟმა ბორტის ქუთაისის აეროპორტში დაბრუნების გადაწყვეტილება მიიღო.