რა ხდება: ავიაკომპანია Wizz Air-ის თვითმფრინავი ქუთაისიდან ბარსელონის მიმართულებით გაფრენის შემდეგ, ისევ ქუთაისის აეროპორტში მიბრუნდა, ბორტზე ასაფეთქებელი ნივთიერების შესახებ არსებული ინფორმაციის გამო.

დეტალები: ქუთაისის აეროპორტის ფეისბუქგვერდზე გავრცელებული განცხადების თანახმად: "აფრენიდან რამდენიმე წუთში ქუთაისი-ბარსელონას რეისი უკან, ქუთაისის საერთაშორისო აეროპორტში დაეშვა.

  • მიზეზი ავიაკომპანიის მიერ მოწოდებული ინფორმაცია გახდა, ბორტზე ასაფეთქებელი ნივთიერების სავარაუდო არსებობის შესახებ, რის საფუძველზეც ეკიპაჟმა ბორტის ქუთაისის აეროპორტში დაბრუნების გადაწყვეტილება მიიღო.
  • ადგილზე ყველა შესაბამისი სამსახურია მობილიზებული და სამუშაოებს აწარმოებენ", — წერია განცხადებაში.

დამატებით: Wizz Air-ის რეისი აეროპორტიდან 12:45 წუთზე გაფრინდა. თვითმფრინავში რადიო თავისუფლების ქართული სამსახურის ერთ-ერთი ჟურნალისტი იმყოფებოდა.

  • მისი თქმით, ეკიპაჟის წევრებმა მგზავრებს სთხოვეს, სასწრაფოდ დაეტოვებინათ თვითმფრინავი და არ მისცეს ბარგის აღების საშუალება.