მოკლედ: ქართული ოცნების საპატიო თავმჯდომარე ბიძინა ივანიშვილი რეჟისორის და სპორტსმენის, სოსო ჯაჭვლიანის სამოქალაქო პანაშვიდზე მივიდა.

დეტალები: ივანიშვილი, პანაშვიდზე მეუღლესთან, ეკატერინე ხვედელიძესთან ერთად მივიდა. პანაშვიდი ქაშვეთის ეკლესიაში მიმდინარეობს.

  • სოსო ჯაჭვლიანი 8 თებერვალს 65 წლის ასაკში გარდაიცვალა.
  • ჯაჭვლიანი, ბოლო წლების განმავლობაში, მძიმე დაავადებას ებრძოდა და კლინიკაში გადიოდა მკურნალობას.

    ჯაჭვლიანი პოლიტიკაში: ის იყო საქართველოს მე-8 მოწმევევის პარლამენტის წევრი 2012-2016 წლებში. ის პარლამენტში შევიდა საარჩევნო ბლოკით — ბიძინა ივანიშვილი - ქართული ოცნება. ჯაჭვლიანი, ასევე, იყო მკლავჭიდის ფედერაციის პრეზიდენტი.

    პარტიიდან წასვლის შესახებ, 2020 წლის ოქტომბერში განაცხადა: "როცა 2012 წელს მოვედით, ხალხს სამართლიანობის აღდგენას ვპირდებოდით, რომ აღარ ყოფილიყვნენ ზონდერები, მომხდარიყო წართმეული ქონების დაბრუნება და ასე შემდეგ. აქედან რაც შესრულდა, საზოგადოებამ კარგად იცის — არაფერი, დაპირებების 95 % არ შესრულდა. აქედან გამომდინარე, ყოველთვის გამოვხატავდი ჩემს წყენას ამასთან დაკავშირებით", — თქვა მაშინ ჯაჭვლიანმა.

    ჯაჭვლიანი კინოში: გადაღებულია ფილმებში – ნატვრის ხე, ამაღლება, ძმა, სიბრძნის კარავი, სამი ალიყური, თეთრი ბაირაღები, უძინართა მზე, სვანი, მაიტა ნასოსი და სხვა.

    ბოლო ხაზი: სოსო ჯაჭვლიანი დაიბადა 1958 წლის 5 ივნისს.