ფენტეზის ჟანრის ახალ მიუზიკლში, სახელად Wicked, არიანა გრანდეს მთავარ როლში ვიხილავთ. Wicked იმავე სახელწოდების რომანისა და ბროდვეის ცნობილი მიუზიკლის ადაპტაციაა. ფენტეზის ჟანრის ფილმი ოზის ჯადოქრის სამყაროში დაგვაბრუნებს და დასავლეთის ბოროტ ჯადოქარზე მოგვიყვება, რომლის ირგვლივაც სიუჟეტი ვითარდება.

Wicked-ში არაინა გრანდესთან ერთად მთავარ როლში სინთია ერივოს ვიხილავთ. როგორც ტრეილერიდან ჩანს, არიანასა და სინთიას პერსონაჟები ერთმანეთს დაუმეგობრდებიან, შემდეგ კი ჩახლართული და საინტერესო თავგადასავლებიც იწყება.

"ნუ გეშინია" — ასე ამშვიდებს არიანას პერსონაჟი ერივას პერსონაჟს. "მე არ მეშინია. ჯადოქარია ის, ვისაც ჩემი უნდა ეშინოდეს", — პასუხობს ერივა და როგორც ტრეილერიდან ჩანს, დაპირისპირებას სწორედ ამ ორ ჯადოქარს შორის ვიხილავთ.

Wicked-ის პრემიერა ორ ნაწილად იგეგმება. პირველ ნაწილს მაყურებელი მსოფლიოს კინოთეატრებში 2024 წლის 27 ნოემბერს იხილავს, ხოლო Wicked-ის მეორე ნაწილის მსოფლიო პრემიერა 2025 წლის 26 ნოემბერს შედგება.