რა ხდება: შსს-ს საგანგებო სიტუაციების მართვის სამსახური აცხადებს, რომ ხაშურის მუნიციპალიტეტის სოფელ ტაშისკართან, მთის ფერდობიდან ღელეს მიმართულებით, მიწის მასა და ხეები ჩამოიშალა.

  • პრესრელიზში არაფერია ნათქვამი შემთხევის შედეგად დაშავებულთა, ან დაზარალებულთა თაობაზე.

დეტალები: უწყება აცხადებს, რომ მეწყრული პროცესების მძიმე შედეგების განვითარების პრევენციის მიზნით, "ადგილზე დაუყონებლივ მობილიზდნენ" ყველა შესაბამისი აღჭურვილობითა და სპეც-ტექნიკით, როგორც განსაკუთრებულ სიტუაციებზე რეაგირების ცენტრალური კოორდინაციის სამმართველოს, ასევე, სამოქალაქო უსაფრთხოებისა და სახანძრო-სამაშველო დეპარტამენტების ჯგუფები.

  • "ასევე, ადგილზე იმყოფებოდნენ ადგილობრივი მუნიციპალიტეტის, სსიპ გარემოს ეროვნული სააგენტოს გეოლოგიის დეპარტამენტის, სსიპ ეროვნული სატყეო სააგენტოს და სსიპ დაცული ტერიტორიების სააგენტოს წარმომადგენლები."

ბოლო ხაზი: პრევენციული ღონისძიების ფარგლებში, ყველა შესაბამისი ტექნიკის გამოყენებით კოორდინირებულად მიმდინარეობდა აქტიური გაწმენდითი სამუშაოები — წერია საგანგებო სიტუაციების მართვის სამსახურის განცხადებაში.

ფოტო: საგანგებო სიტუაციების მართვის სამსახური