რა ხდება: ხაშურის მერიის ინფორმაციით, უხვი ნალექის გამო, სურამში მეწყრული პროცესები განვითარდა.

  • ისინი ამბობენ, რომ 10 ადამიანი სასტუმროში გადაიყვანეს, 40 ოჯახი კი საშიშ ზონას გაარიდეს.

დეტალები: მერიის განცხადების მიხედვით, ადგილზე მობილიზებული არიან მათი უწყების, ასევე — საგანგებო სიტუაციების მართვის სამსახურისა და შსს-ს თანამშრომლები.

  • მათივე თქმით, სამუშაოები ღამით საფრთხის შემცველი იყო, ამიტომ გეოლოგიური სამსახურის წარმომადგენლები მეწყრულ პროცესებს დილიდანვე შეისწავლიდნენ და კვალიფიციურად შეაფასებდნენ როგორც მომხდარს, ისე — რისკებს.
  • "გეოლოგიური სამსახურის შეფასების შემდგომ კი შესაბამისი სახელმწიფო სამსახური მეწყრული პროცესის აღმოსაფხვრელად იმოქმედებს შემჭიდროებულ ვადებში", — წერია განცხადებაში.

ბოლო ხაზი: გუშინ, 7 თებერვალს მეწყერი ჩამოწვა იმერეთშიც, ბაღდათის მუნიციპალიტეტის სოფელ ნერგეეთშიც, რასაც, ამ დროის მონაცემებით, 8 ადამიანი ემსხვერპლა.