მოკლედ: სახალხო დამცველის მიერ შექმნილ სპეციალისტთა და ექსპერტთა ჯგუფის მე-12-ე დასკვნა გამოქვეყნდა მიხეილ სააკაშვილის სამედიცინო მდგომარეობის მართვის მონიტორინგის შედეგების შესახებ.

  • "ამჟამად სახეზეა დადებითი დინამიკა, რაც გამოიხატება წონის მატებაში, თუმცა, კვლავ რჩება კოგნიტიური გაუარესება, კუნთთა ჰიპოტროფია, ნეიროპათია, შფოთვა, დეპრესია", — ვკითხულობთ დასკვნაში.

დეტალები: ომბუდსმენის მიხედვით,

  • 2024 წლის 25 იანვარს მიხეილ სააკაშვილი კლინიკა ვივამედში მოინახულა სახალხო დამცველის მიერ მოწვეულმა სამედიცინო ექსპერტთა ჯგუფმა.
  • ექიმთა ჯგუფის აზრით, პაციენტი საჭიროებს მჭიდრო სამედიცინო მეთვალყურეობას, ფსიქოლოგიურ ინტერვენციას.
  • კონსილიუმის აზრით, არსებული დადებითი დინამიკა განპირობებულია იმით, რომ პაციენტი წელიწადნახევარზე მეტია იმყოფება პოლიპროფილურ კლინიკაში მაღალპროფესიონალი ექიმების მეთვალყურეობის და მკურნალობის ქვეშ.
  • თუმცა ყველა ფსიქონევროლოგიური პათოლოგია კვლავ იგივე ხარისხისაა. "შესაბამისად, კონსილიუმი მიიჩნევს, რომ პაციენტის მდგომარეობა ჯერჯერობით არ იძლევა საშუალებას მყარი დადებითი პროგნოზები იქნას გაკეთებული", — წერია სახალხო დამცველის დასკვნაში.

ბოლო ხაზი: ომბუდსმენის აპარატის მიხედვით, ექიმთა ჯგუფი პაციენტთან მორიგ ვიზიტს საჭიროების შესაბამისად დაგეგმავს.

გაიგე მეტი: დეტალები სააკაშვილის საცხოვრებელ პირობებზე ვივამედში — რა გავიგეთ ევროსაბჭოს წამების პრევენციის კომიტეტისგან