სპორტული ფირმა ნაიკი მარია შარაპოვას დასპონსორებას გააგრძელებს, იმის მიუხედავად, რომ რუსი ჩოგბურთელი 2 წლის განმავლობაში საერთაშორისო ტურნირებზე ვეღარ იასპარეზებს, მას შემდეგ რაც დოპინგ ტესტი ჩააგდო.

BBC-ის ინფორმაციით, Nike-ის ხელმძღვანელმა თავის განცხადებაში აღნიშნა, რომ ის მხარს დაუჭერს შარაპოვას, ხოლო ჩოგბურთის საერთაშორისო ფედერაციამ მისი 2 წლიანი დისკვალიფიკაცია "გაუმართავი პროცესის" ფონზე მიიღო. შარაპოვა ტურნირებიდან მის მოხსნას ასაჩივრებს.

7 მარტს რუსეთის ყველაზე ცნობილმა სპორტსმენმა, ჩოგბურთელმა მარია შარაპოვამ აღიარა, რომ დოპინგ ტესტი ვერ გაიარა.

მისი თქმით, ის 2006 წლიდან იღებდა მელდონიუმს, თუმცა მას მსოფლიო ანტი-დოპინგ სააგენტომ დისკვალიფიკაცია ამ წლის იანვარში მისცა.

Nike-მა შარაპოვას აღიარების მეორე დღეს, 8 მარტს, მისთვის სპონსორობის შეჩერების გადაწყვეტილება მიიღო.