რა ხდება: უკრაინის თავდაცვის სამინისტრო უარყოფს ინფორმაციას, რომ შეიარაღებული ძალების მთავარსარდალი, გენერალი ვალერი ზალუჟნი გაათავისუფლეს.

  • სოციალურ მედიაში ზალუჟნის გარდაცვალების შესახებ ხმები ორშაბათს გავრცელდა.
  • თუმცა თავდაცვის სამინისტრომ ტელეგრამზე დაწერა: "ძვირფასო ჟურნალისტებო, ჩვენ ვპასუხობთ ყველას — არა, ეს ასე არ არის".
  • ინფორმაციას უარყოფს უკრაინის პრეზიდენტის ადმინისტრაციაც.

დეტალები: მანამდე, უკრაინელმა დეპუტატმა, ბორისლავ ბერეზამ განაცხადა, რომ მას დაუდასტურეს ინფორმაცია ზალუჟნის გათავისუფლების შესახებ.

  • ფეისბუქპოსტში ის წერდა, რომ ცნობები მას პრეზიდენტის ოფისიდან ჰქონდა.
  • იგივე შინაარსის პოსტი დაწერა დეპუტატმა ოლექსი გონჩარენკომაც, რომელიც ფრაქცია ევროპული სოლიდარობის წევრია.
  • "ორმა წყარომ მითხრა, რომ ზალუჟნი გაათავისუფლეს, თუმცა მაინც ვეჭვობ", — დაწერა მან.
  • მოგვიანებით გონჩარენკომ აღნიშნა, რომ ზალუჟნის შესთავაზეს ელჩის თანამდებობა ევროპის ერთ-ერთ ქვეყანაში, თუმცა მან უარი თქვა.
  • ზალუჟნის გათავისუფლების შესახებ X-ზე ინფორმაცია რამდენიმე ჟურნალისტმაც გაავრცელა.
  • ერთ-ერთი მათგანი ამტკიცებდა, რომ ზალუჟნი უკვე შეცვალა უკრაინის სამხედრო დაზვერვის სამმართველოს ხელმძღვანელმა კირილო ბუდანოვმა.

ბოლო ხაზი: ხმები უკრაინის მთავარსარდალსა და პრეზიდენტს შორის განხეთქილების შესახებ, საჯარო სივრცეში, გასული წლის ბოლოს გავრცელდა.

  • გამოცემა Kyiv Post წერს, რომ მათი წყაროების ინფორმაციით, კონფლიქტი, რეალურად, არ არსებობს და დეზინფორმაციის უკან რუსეთი დგას.