რესპუბლიკურ საავადმყოფოსთან დაკავშირებით ხელისუფლების გეგმა კრიზისს ქმნის — რა გავარკვიეთ მედპერსონალისგან
რა ხდება: დღეს, 28 იანვარს, რესპუბლიკური საავადმყოფოს მედპერსონალმა შენობის წინ ცოცხალი ჯაჭვის ფორმით გამოხატა პროტესტი.
- ისინი წინააღმდეგობას უწევენ სამთავრობო გეგმას, რაც გულისხმობს, შეწყვიტოს თანამშრომლობა საავადმყოფოს პერსონალთან;
- ჯანდაცვის სამინისტროს მიხედვით, ეს განპირობებულია შენობის დანგრევითა და მის ბაზაზე ახალი კლინიკის აშენების გამო.
- მთავრობა ამბობს, რომ პროექტის ბიუჯეტი, დაახლოებით, 200 მილიონი ლარი იქნება.
დეტალები: "ჩვენ არც რეაბილიტაციას ვაპროტესტებთ, არც ახალ მშენებლობას, თუმცა, ვაპროტესტებთ რესპუბლიკური საავადმყოფოს დაკეტვასა და ფუნქციონირების შეწყვეტას", — უთხრა On.ge-ს მალხაზ გოგუამ, საავადმყოფოს ქირურგმა.
მისი თქმით, მედპერსონალი მოითხოვს, გააუქმოს მთავრობამ განკარგულება რეორგანიზაციის ბრძანების თაობაზე, რაც, არსებითად, თანამშრომელთა დათხოვნასა და კლინიკის ფუნქციონირების შეჩერებას გულისხმობს.
- რეორგანიზაცია შეეხება რესპუბლიკურ საავადმყოფოში დასაქმებულ 650-მდე თანამშრომელს, როგორც ექიმებს, ასევე, ადმინისტრაციულ ნაწილს.
- სანაცვლოდ, ჯანდაცვის სამინისტრო კომპენსაციებზე საუბრობს: შეთავაზების პაკეტის მიხედვით, ნებისმიერი თანამშრომელი, რომელიც მხოლოდ რესპუბლიკურ საავადმყოფოშია დასაქმებული, კომპენსაციის სახით, ერთჯერადად, 12 თვის ხელფასით იქნება უზრუნველყოფილი.
- რეორგანიზაციისთვის მიმდინარე წლის 5-დან 15 თებერვლამდე პერიოდი განისაზღვრა.
- ეს პირობა, თანამშრომელთა ნაწილისთვის, რომელიც პროტესტს ღიად გამოხატავს, მიუღებელია.
მალხაზ გოგუა, ქირურგი: "ეს შეთავაზება ჩვენთვის ამორალური და შეურაცხმყოფელია. სამინისტროს მიერ შემოთავაზებულ პირობებშია დათქმა, რომ დავწეროთ განცხადებები სამსახურიდან წასვლის შესახებ, და თუ ნახავენ, რომ ლოიალურები ვიქნებით, დავსაჩუქრდებით გარკვეული თანხით, წინააღმდეგ შემთხვევაში — რეორგანიზაციის მოტივით გაგვათავისუფლებენ კანონით განსაზღვრული საკომპენსაციო თანხით. გამოდის, რომ თუ ჩვენი ნების წინააღმდეგ წავალთ, სანაცვლოდ, ჯილდოს მივიღებთ."
- როგორც რესპუბლიკურის მედპერსონალი აცხადებს, მთავრობას რომ შესაბამისი ნება გააჩნდეს, მათთან ერთად განიხილავდა ისეთ ალტერნატიულ ვარიანტებს, რაც კლინიკის მუშაობის შეფერხების გარეშე უზრუნველყოფდა შენობის სარეაბილიტაციო პროცესს.
- მათი თქმით, მთავრობამ გადაწყვეტილება მედპერსონალთან კომუნიკაციის გარეშე მიიღო.
გივი პისარევი, ქირურგი: "შესაძლოა, ვითარებაში გაურკვეველ ადამიანს გაუჩნდეს განცდა, რატომ არიან უკმაყოფილოებიო. საქმე ის არის, რომ ეს კლინიკა ერთიანი გუნდია, ერთი კოლექტივია, რომლის დაშლაც მარგი ქმედების კოეფიციენტს, ფაქტობრივად, ანულებს. ჩვენ არ ვართ მისამართსა და შენობას გამოკიდებულები. კლინიკა ჯერ კოლექტივია და შემდეგ — შენობა."
- ასევე, პისარევი აღნიშნავს, რომ ამ მომენტშიც კი, როდესაც კლინიკის ასობით თანამშრომელი რეორგანიზაციის გზით კლინიკიდან გათავისუფლების მოლოდინშია, ისინი იღებენ და მკურნალობენ მძიმე პაციენტებს.
განიხილავს თუ არა მედპერსონალი, შეხვდეს ჯანდაცვის მინისტრს — დაინტერესდა On.ge, რადგან 26 იანვარს ზურაბ აზარაშვილმა, ჯანდაცვის მინისტრმა, თქვა, რომ მზად არის, შეხვედრა გამართოს რესპუბლიკურის თანამშრომლებთან და პირადად უპასუხოს მათ კითხვებს.
- "ამაზე შეგვიძლია, ვისაუბროთ მხოლოდ მას შემდეგ, თუ სამინისტრო და ხელისუფლება შეაჩერებს 5-დან 15 თებერვლამდე გამოცხადებულ რეორგანიზაციის პროცესს", — გვითხრა გივი პისარევმა, — "როცა შეხვედრაზე ვსაუბრობთ, მინიმუმ, ის უნდა ვიცოდეთ, რომ 16-ში სამსახურში მისვლას შევძლებთ. სხვა დეტალებსა და ტექნიკურ საკითხებზე შეგვიძლია, ვისაუბროთ მინისტრთან, ოღონდ არა იმ პირობებში, როდესაც ვიცით, რომ 16-ში კლინიკა იხურება. კლინიკის დახურვა კი ჩვენთვის მიუღებელია."
რაში ხედავენ გამოსავალს: რეაბილიტაციის პროცესში საავადმყოფო არ უნდა დაიხუროს და ამისთვის მთავრობა ყველა შესაძლო ვერსიას უნდა განიხილავდეს.
- მალხაზ გოგუას თქმით, არსებობს თბილისში არსებული არაერთი კლინიკის განახლების მაგალითი, როდესაც რეაბილიტაცია სამედიცინო პროცესის გაჩერების გარეშე წარიმართა და თუ ეს სხვა შემთხვევებში შესაძლებელია, გაუგებარია, რატომ არ შეიძლება იმავე მიდგომით იხელმძღვანელონ რესპუბლიკურის შემთხვევაშიც.
- მთავრობის შეუვალი პირობა, შეწყვიტოს კლინიკის ფუნქციონირება რეაბილიტაციის საბაბით, "კითხვებს აჩენს", რადგან გოგუა ამბობს, რომ "შენობა, მდგრადია და სიცრუეა საპირისპიროდ გავრცელებული ინფორმაცია".
- ქირურგი გამოსავალს ხედავს იმაშიც, რომ კლინიკის არსებულ შენობაში არ შეჩერდეს სამედიცინო სერვისების მიწოდება მოქალაქეებისთვის და ახალი მშენებლობა პარალელურად, ეზოში დაიწყოს.
- ასევე, ექიმები აღნიშნავენ, რომ მათთვის შესაძლოა, მისაღები იყოს ვარიანტი, რომ უზრუნველყოს ჯანდაცვის სამინისტრომ მედპერსონალთა სრული შემადგენლობა სხვა, ალტერნატიული შენობით, რათა რესპუბლიკურმა საავადმყოფომ პაციენტთა მომსახურების გაგრძელება შეძლოს.
რას აპირებს მედპერსონალი — ვკითხეთ მალხაზ გოგუას. ქირურგი ამბობს, რომ ისინი მომავალ კვირაშიც გააგრძელებენ პროტესტს და მომდევნო შაბათს გამართავენ აქციას მთავრობის კანცელარიის წინ.
- "იმედია, არ მოგვიწევს კარვების გაშლა", — ამბობს ის და აღნიშნავს, რომ ფიქრობენ, პროტესტთან ერთად, სამართლებრივ გზებსაც მიმართონ.
სტრიქონებს შორის: ეს არ არის პირველი შემთხვევა, როცა მთავრობა რესპუბლიკური საავადმყოფოს რეაბილიტაციაზე საუბრობს. ჯერ კიდევ 2023 წლის მარტში ითქვა, რომ რესპუბლიკური საავადმყოფო დაინგრეოდა, მისი შემდგომი რეაბილიტაციის მიზნით.
- ამას, 2023 წლის მარტში, რესპუბლიკურის თანამშრომლების მოთხოვნა მოჰყვა, არ შეცვლილიყო კლინიკის ადგილმდებარეობა: "გვინდა შეგახსენოთ, რომ რესპუბლიკური საავადმყოფო ყოველთვის იყო და არის ქვეყნის წინაშე მდგარი გამოწვევების მიმღები მნიშვნელოვანი სტრატეგიული ცენტრი. ამის დასტურია 9 აპრილი, თბილისის სამოქალაქო, აფხაზეთის და აგვისტოს ომები. მარტო ის გარემოება რად ღირს, რომ კოვიდ პანდემიის დროს კლინიკამ ფორსმაჟორულ რეჟიმში გაატარა 20 000 პაციენტი", — აცხადებდნენ კლინიკაში.
- ასევე, თანამშრომლები ამბობდნენ, რომ ჯანდაცვის მინისტრმა შენობის ნგრევის შესახებ გადაწყვეტილება მათთვის სრულიად მოულოდნელად, ახალი მდებარეობისა და კონცეფციის გაურკვევლად დააანონსა და ეს დროში საეჭვოდ დაემთხვა მედპერსონალის დისკრედიტაციის მცდელობას.
როგორი იქნება ახალი საავადმყოფო — მთავრობის დაპირება:
- კლინიკა 500-ზე მეტ საწოლზე იქნება გათვლილი.
- მოეწყობა ამბულატორია და 100-ზე მეტ საწოლზე გათვლილი დღის სტაციონარი.
- კლინიკაში განთავსდება ბავშვთა ონკო-ჰემატოლოგიური ცენტრი.
- გაიხსნება თანამედროვე სტანდარტების ცენტრალური სისხლის ბანკი.
- საავადმყოფოს ტერიტორიაზე მოეწყობა აფთიაქები, სასწავლო სივრცეები, სამედიცინო ბიბლიოთეკა, ტელემედიცინის სივრცეები და სხვა.
- სამუშაოები 36-დან 48 თვემდე გაგრძელდება.
რატომ არის მნიშვნელოვანი რესპუბლიკურის შეუფერხებელი ფუნქციონირება:
- კლინიკა მუშაობს სტაციონარულ რეჟიმში, რაც ხელმისაწვდომს ხდის პაციენტებისათვის 24-საათიან სამედიცინო მომსახურებას;
- 2008 წელს გაიხსნა განყოფილება ემერჯენსი, რაც გადაუდებელი სიტუაციების მართვისას, სიკვდილიანობის რისკს მინიმუმამდე ამცირებს;
- კლინიკაში ფუნქციონირებს ამბულატორიული სამსახური, ასევე, შესაძლებელია, როგორც არსებული დაავადების მკურნალობა, ასევე პრევენციული კვლევებისა და ჯანმრთელობაზე მონიტორინგის წარმოება;
- კლინიკა პაციენტებს სთავაზობს სხვადასხვა სირთულის ოპერაციებს, "რომლებსაც აწარმოებენ ევროპასა და აშშ-ში განათლებამიღებული მაღალკვალიფიციური ქირურგები. მათი უმრავლესობა წარმოადგენს თსსუ-ს აკადემიურ პერსონალს", — აღნიშნულია საავადმყოფოს შესახებ მითითებულ ოფიციალურ ცნობაში.
ბოლო ხაზი: კლინიკა გაიხსნა და ფუნქციონირება დაიწყო 1973 წლიდან.
-
გადახედვაშავ ლაქად შევა თქვენი სახელები და გვარები საქართველოს ისტორიაში — გიორგი ვაშაძე უმრავლესობას შავ ლაქად შევა თქვენი სახელები და გვარები საქართველოს ისტორიაში — გიორგი ვაშაძე უმრავლესობას
-
-
გადახედვა"თქვენ რომ ივანიშვილის მონები არ იყოთ..." — ანა წითლიძემ ქართულ ოცნებას ჩამოუთვალა, თუ როგორია მათი ხელისუფლებაში ყოფნის მახასიათებლები "თქვენ რომ ივანიშვილის მონები არ იყოთ..." — ანა წითლიძემ ქართულ ოცნებას ჩამოუთვალა, თუ როგორია მათი ხელისუფლებაში ყოფნის მახასიათებლები
-
გადახედვაბათუმის სამი საჯარო და ერთი კერძო სკოლის მოსწავლეები, რუსული კანონის გასაპროტესტებლად გაიფიცნენ ბათუმის სამი საჯარო და ერთი კერძო სკოლის მოსწავლეები, რუსული კანონის გასაპროტესტებლად გაიფიცნენ
-
გადახედვადუგინი: საქართველოში უცხოელი აგენტები აწყობენ ჯანყს, სომხეთში კი — პატრიოტები დუგინი: საქართველოში უცხოელი აგენტები აწყობენ ჯანყს, სომხეთში კი — პატრიოტები
-
გადახედვაპირველი პაციენტი, რომელსაც ღორის თირკმელი გადაუნერგეს, მოკვდა პირველი პაციენტი, რომელსაც ღორის თირკმელი გადაუნერგეს, მოკვდა
-
გადახედვაპარლამენტში რუსული კანონის მისაღებად მესამე, საბოლოო მოსმენა დაიწყეს პარლამენტში რუსული კანონის მისაღებად მესამე, საბოლოო მოსმენა დაიწყეს
-
გადახედვააშშ-ის სახელმწიფო დეპარტამენტის მაღალჩინოსანი ჯიმ ო'ბრაიენი მთავრობის კანცელარიაშია — რა ვიცით აშშ-ის სახელმწიფო დეპარტამენტის მაღალჩინოსანი ჯიმ ო'ბრაიენი მთავრობის კანცელარიაშია — რა ვიცით
-
გადახედვაპარლამენტთან სპეცრაზმი დგას, აქციის მონაწილეები შენობის უკანა მხრიდან პოლიციამ გაიყვანა პარლამენტთან სპეცრაზმი დგას, აქციის მონაწილეები შენობის უკანა მხრიდან პოლიციამ გაიყვანა
-
გადახედვასაპროტესტო აქციები სომხეთში — პოლიციამ 170 ადამიანი დააკავა საპროტესტო აქციები სომხეთში — პოლიციამ 170 ადამიანი დააკავა
-
გადახედვაკობახიძე: თუ ორი კვირის განმავლობაში იქნება წარმოდგენილი ვენეციის კომისიის სამართლებრივი არგუმენტები, ღია ვართ დისკუსიისთვის კობახიძე: თუ ორი კვირის განმავლობაში იქნება წარმოდგენილი ვენეციის კომისიის სამართლებრივი არგუმენტები, ღია ვართ დისკუსიისთვის
-
გადახედვაპარლამენტთან რუსული კანონის წინააღმდეგ მრავალრიცხოვანი აქცია მიმდინარეობს პარლამენტთან რუსული კანონის წინააღმდეგ მრავალრიცხოვანი აქცია მიმდინარეობს
-
გადახედვაკობახიძე: დაველოდებით ვეტოს პროცედურას, 14-დან 28 მაისის ჩათვლით კობახიძე: დაველოდებით ვეტოს პროცედურას, 14-დან 28 მაისის ჩათვლით
-
გადახედვაირაკლი კობახიძის თქმით, ო'ბრაიენს სურდა ივანიშვილთან შეხვედრა, თუმცა ივანიშვილმა ამერიკელ მაღალჩინოსანს უარი უთხრა ირაკლი კობახიძის თქმით, ო'ბრაიენს სურდა ივანიშვილთან შეხვედრა, თუმცა ივანიშვილმა ამერიკელ მაღალჩინოსანს უარი უთხრა
-
გადახედვაადვოკატის ინფორმაციით, საპროტესტო აქციაზე დაკავებული გუკა რჩეულიშვილი ნაცემია, აქვს სისხლჩაქცევები და სავარაუდოდ, ცხვირი აქვს გატეხილი ადვოკატის ინფორმაციით, საპროტესტო აქციაზე დაკავებული გუკა რჩეულიშვილი ნაცემია, აქვს სისხლჩაქცევები და სავარაუდოდ, ცხვირი აქვს გატეხილი
-
გადახედვამყარი სუპერდედამიწის გარშემო ატმოსფეროს ყველაზე დამაჯერებელ კვალს მიაგნეს მყარი სუპერდედამიწის გარშემო ატმოსფეროს ყველაზე დამაჯერებელ კვალს მიაგნეს
-
გადახედვაცოტა შოკში არიან, საერთოდ რომ არავინ შეხვდათ ხელისუფლებიდან — ბაია პატარაია ევროპის ქვეყნების საგარეო კომიტეტის თავმჯდომარეებთან შეხვედრაზე ცოტა შოკში არიან, საერთოდ რომ არავინ შეხვდათ ხელისუფლებიდან — ბაია პატარაია ევროპის ქვეყნების საგარეო კომიტეტის თავმჯდომარეებთან შეხვედრაზე
-
გადახედვასაპროტესტო აქციაზე დაკავებული გურამ ადამია, რომელსაც ფიზიკურად გაუსწორდნენ, იზოლატორიდან კლინიკაში გადაიყვანეს საპროტესტო აქციაზე დაკავებული გურამ ადამია, რომელსაც ფიზიკურად გაუსწორდნენ, იზოლატორიდან კლინიკაში გადაიყვანეს
-
გადახედვაიმედმა და რუსთავი 2-მა წაშალეს ინფორმაცია იმასთან დაკავშირებით, რომ ო'ბრაიენს ივანიშვილისთვის სანქციების პაკეტი ჩამოაქვს იმედმა და რუსთავი 2-მა წაშალეს ინფორმაცია იმასთან დაკავშირებით, რომ ო'ბრაიენს ივანიშვილისთვის სანქციების პაკეტი ჩამოაქვს
-
გადახედვახვალ, 14 მაისს, რუსული კანონის საწინააღმდეგოდ, კულტურის მარში გაიმართება ხვალ, 14 მაისს, რუსული კანონის საწინააღმდეგოდ, კულტურის მარში გაიმართება
-
გადახედვაროგორ შევძლოთ ფუნქციონირება ღამისთევის შემდეგ — 5 რჩევა როგორ შევძლოთ ფუნქციონირება ღამისთევის შემდეგ — 5 რჩევა
კომენტარები