მოკლედ: ჯანდაცვის მინისტრი, ზურაბ აზარაშვილი მზად არის, რესპუბლიკური საავადმყოფოს თანამშრომლებთან შეხვედრა გამართოს და მათ კითხვებს პირადად უპასუხოს.

  • განცხადებას ჯანდაცვის სამინისტრო ავრცელებს.

დეტალები: განცხადებაში აღნიშნულია, რომ შეხვედრაზე, კლინიკასთან და მის თანამშრომლებთან დაკავშირებით, თითოეული საკითხი დეტალურად იქნება განხილული.

  • ამასთან, ჯანდაცვის სამინისტრომ გუშინ გაავრცელა ინფორმაცია, რომ მათი უწყების წარმომადგენლებმა რესპუბლიკური საავადმყოფოს თანამშრომლებთან, სამუშაო შეხვედრა გამართეს და სამინისტროს მიერ შეთავაზებულ საკომპენსაციო პაკეტთან დაკავშირებით კითხვებს უპასუხეს.

რა ხდება რესპუბლიკურ საავადმყოფოში: 22 იანვარს, ირაკლი ღარიბაშვილმა მთავრობის სხდომაზე განაცხადა, რომ დაინგრევა რესპუბლიკური საავადმყოფოს შენობა და მის ბაზაზე ახალი საავადმყოფო აშენდება.

  • ამ ფაქტს საავადმყოფოს თანამშრომლები აპროტესტებენ და საპროტესტო აქციებს გეგმავენ.
  • მედპერსონალი ამბობს, რომ დაპირების მიუხედავად, არ აქვთ გარანტია, რომ მიიღებენ იმ კომპენსაციებს, რასაც მათ ჯანდაცვის სამინისტრო სთავაზობს.
  • ისინი კითხვის ნიშნის ქვეშ აყენებენ ახალი საავადმყოფოს აშენების საკითხსაც. შიშობენ,რომ შესაძლებელია, ეს ტერიტორია სხვა მიზნებისთვის გამოიყენონ, მაგალითად, მიჰყიდონ დეველოპერებს, რადგან ტერიტორია "საკმაოდ შემოსავლიანია".
  • კლინიკის თანამშრომლების უკმაყოფილებას იწვევს ისიც, რომ როგორც თავად ამბობენ, გადაწყვეტილების მიღების პროცესში არ ყოფილან ჩართულები.

ამ თემაზე: რა დაჯდება რესპუბლიკურის რეაბილიტაცია და რას სთავაზობს მთავრობა მედპერსონალს მშენებლობის დასრულებამდე