მოკლედ: რუს ტელეწამყვანს თინა კანდელაკს ყაზახეთში შესვლა აუკრძალეს პოსტის გამო, სადაც წერს, რომ ქვეყანაში "რუსული ენა ჩაახშეს".

  • აზატიკის ინფორმაციით, ამის შესახებ ყაზახეთის საგარეო საქმეთა სამინისტროს წარმომადგენელმა, აიბეკ სმადიაროვმა განაცხადა.

დეტალები: "სახელმწიფო ამას არასოდეს აპატიებს. ის არ ჩამოვა ყაზახეთში და თუ ჩამოვა,ვერ შემოვა“, — უპასუხა სმადიაროვმა ჟურნალისტების შეკითხვას კანდელაკის შესახებ.

  • საგარეო საქმეთა სამინისტროს წარმომადგენლის თქმით, სირცხვილია, როდესაც "მეგობრებმა არ იციან ჩვენი ქვეყნის შესახებ და მათ ჩვენს შესახებ არასწორი ინფორმაცია აქვთ".

კანდელაკის პოსტი: რუსი პროპაგანდისტი ჟურნალისტის პოსტმა გასულ კვირას, ყაზახეთში, რეზონანსი გამოიწვია.

  • პოსტში ის ამტკიცებდა, რომ "ყაზახეთი ნელ-ნელა, მაგრამ უწყვეტად აგრძელებს რუსული ენის შევიწროებას, სახელმწიფო დონეზე".
  • კანდელაკი წერდა, რომ ყაზახეთის ტრანსპორტის სამინისტრომ გადაწყვიტა, გადაარქვას რამდენიმე რკინიგზის სადგურის რუსული დასახელება ყაზახურით შეცვალოს.

"როგორც ბალტიისპირეთის გამოცდილებამ აჩვენა, ეს ძალიან საშიში ტენდენციაა. აქაც ყველაფერი მცირედით დაიწყო, შემდეგ კი დახურეს რუსული სკოლები, აიღეს საბჭოთა ძეგლები, აკრძალეს რუსული ენა და საბოლოოდ, გამოყარეს პენსიონერები ყინვაში გამოყარეს", — დაწერა კანდელაკმა.

  • სოციალურ ქსელები ყაზახებმა კანდელაკის მისამართით საპასუხო პოსტები გაავრცელეს, სადაც წერდნენ, რომ ყაზახეთი დამოუკიდებელი სახელმწიფოა და მოსახლეობა თავად წყვეტს, რა დაარქვან რკინიგზის სადგურებს. ისინი, ასევე, აღნიშნავენ, რომ რესპუბლიკა თანდათან უბრუნდება თავის მშობლიურ ენას, რომელიც საბჭოთა ხელისუფლების წლებში დაკარგული იყო.