მოკლედ: ირმა ინაშვილი ეხმიანება ვერსიას, რომლის თანახმად, მატრონა მოსკოველის ხატზე მისი და დავით თარხან-მოურავის გამოსახულებაც არის. პრორუსი პოლიტიკოსი ამ მოსაზრებას უარყოფს: "ასეთი დახვეწილი არც სახე მაქვს და მითუმეტეს, არც ცხვირი. თმაც შავი მაქვს და სახის ფერიც უფრო მუქი", — წერს ინაშვილი ფეისბუქზე.

დეტალები: ინაშვილის თქმით, ხატზე გამოსახული "მანდილოსანი" ხატია დეკანოიძეს უფრო ჰგავს, ვიდრე მას, ხოლო "მეორე კაცი" არა დავით თარხან-მოურავს, არამედ — სერგი კაპანაძეს.

  • "დავით თარხან-მოურვი საერთოდ, რვა წელია, მელოტია და არც ცხვირი აქვს ჩაზნექილი, არც თვალი უგავს და არც წარბი, ეს ფიგურა სერგი კაპანაძეს უფრო ჰგავს, ვიდრე დათოს", — წერს ის.
  • მისი თქმით, დღევანდელი ამბავი "ახალი სკანდალია", რომელიც ნათლისღების დღისთვის უნდა "გამომცხვარიყო".

რა მოხდა: ვერსია, რომ პრორუსი პარტიის ლიდერებიც არიან გამოსახული იმავე ხატზე, რომელზეც მატრონა მოსკოველი და სტალინია, სოციალურ ქსელში გავრცელდა.

მსგავსი: "ასეთი ჩაზნექილი ცხვირი მაქვს?!" — პრორუსი თარხან-მოურავი უარყოფს, რომ მატრონას ხატზე ის და ინაშვილიც არიან გამოსახული