რა ხდება: 17 იანვარს, უკრაინის სამხრეთ ნაწილში დაიჭრა რადიო თავისუფლების ჟურნალისტი, დმიტრო ევჩინი, როდესაც გადამღებ ჯგუფთან ერთად, სატელევიზიო სიუჟეტს ამზადებდა.

დეტალები: ის საარტილერიო ცეცხლის ქვეშ მოჰყვა.

  • დაჭრილ ჟურნალისტს პირველადი დახმარება გაუწიეს მასთან ერთად მომუშავე ოპერატორმა და უკრაინელმა სამხედროებმა.
  • მოგვიანებით, ევჩინი ზაპოროჟიეს საავადმყოფოში გადაიყვანეს.
  • როგორც ექიმები ამბობენ, ოპერაციამ წარმატებით ჩაიარა.

ბოლო ხაზი: ევროსაბჭოს ჟურნალისტთა უსაფრთხოების პლატფორმა და მისი პარტნიორი ორგანიზაციები უკრაინაში რუსეთის შეჭრის შემდეგ თვალს ადევნებენ თავდასხმებს მედიის წარმომადგენლებზე.

  • მათი მონაცემებით, 2024 წლის 1-ელი იანვრის მდგომარეობით, ომის გაშუქებისას დაიღუპა, მინიმუმ, 14 და დაშავდა, სულ მცირე, 39 ჟურნალისტი.