მოკლედ: საქართველოს პროკურატურა არ ეთანხმება ქუთაისის საქალაქო სასამართლოს გადაწყვეტილებას, რომლითაც მეუღლის მიმართ ფიზიკური ძალადობის ფაქტზე ბრალდებულს აღკვეთის ღონისძიების სახით გირაო შეეფარდა.

დეტალები: პროკურატურამ ქუთაისის საქალაქო სასამართლოს ბრალდებულისთვის აღკვეთის ღონისძიების სახით — პატიმრობის შეფარდების შუამდგომლობით მიმართა, თუმცა

  • სასამართლომ ბრალდებულს აღკვეთის ღონისძიების სახედ გირაო, 5.000 ლარი, პატიმრობის უზრუნველყოფით შეუფარდა.
  • ამ გადაწყვეტილებას პროკურატურა სააპელაციო სასამართლოში, კანონით დადგენილ ვადაში გაასაჩივრებს.

ბოლო ხაზი: შსს-ს მიერ ჩატარებული გამოძიებით დადგინდა, რომ 15 იანვარს, საღამოს საათებში, ტყიბულის მუნიციპალიტეტის მერიის თანამშრომელმა, ალკოჰოლური თრობის ქვეშ, გენდერის ნიშნით შეუწყნარებლობის მოტივით, ურთიერთშელაპარაკებისას, არასრულწლოვანი შვილების თანდასწრებით ცოლზე ფიზიკურად იძალადა.

მსგავსი: ცოლზე ძალადობისთვის პროკურატურამ ბრალი წარუდგინა ტყიბულის მერიის თანამშრომელს