მოკლედ: საქართველოს პროკურატურამ ტყიბულში მომხდარი ოჯახური ძალადობის ფაქტზე, ტყიბულის მუნიციპალიტეტის მერიის თანამშრომელს ბრალდება წარუდგინა.

დეტალები: პროკურატურის მიხედვით, საქმეზე შსს-ს გამოძიებამ დაადგინა, რომ

  • 15 იანვარს, საღამოს საათებში, ალკოჰოლური თრობის ქვეშ მყოფმა ბრალდებულმა, საცხოვრებელ სახლში, გენდერის ნიშნით შეუწყნარებლობის მოტივით, ურთიერთშელაპარაკებისას, არასრულწლოვანი შვილების თანდასწრებით, მეუღლეზე ფიზიკურად იძალადა.
  • სამართალდამცველებმა ბრალდებული იმავე დღეს დააკავეს.

ბოლო ხაზი: დაკავებულს ბრალდება სისხლის სამართლის კოდექსის 126 პრიმა მუხლის მე-2 ნაწილით წაუყენეს, რაც გულისხმობს გენდერის ნიშნით შეუწყნარებლობის მოტივით ოჯახის ერთი წევრის მიერ ოჯახის სხვა წევრის მიმართ ძალადობა, რამაც გამოიწვია ფიზიკური ტკივილი, ჩადენილი არასრულწლოვნის თანდასწრებით.