გორის რაიონის სოფელ წითელუბნის განაპირას, ე.წ. საზღვრის უკანონო კვეთის ბრალდებით საქართველოს ორი მოქალაქე დააკავეს. ინფორმაცია ამის შესახებ On.ge-ის სახელმწიფო უსაფრთხოების სამსახურმა დაუდასტურა.

უწყების ცნობით, ამოქმედებულია ცხელი ხაზი, ევროკავშირის სადამკვირვებლო მისია ინფორმირებულია, სახელმიფო უსაფრთხოების სამსახურში კი მიმდინარეობს მუშაობს ამ ადამიანების გასათავისუფლებლად.

როგორც სააგენტო IPN წერს, სოფელ წითელუბნის მცხოვრებლები ვასილ ბოლოთაევი და თენგიზ კაჯიროვი საქონელს მწყემსავდნენ, რა დროსაც ე.წ. მესაზღვრეებმა ისინი დააკავეს.