მოკლედ: ერთიანი ნაციონალური მოძრაობის პოლიტსაბჭოს წევრმა, ლაშა ფარულავამ, თბილისის მერიასთან ნაგვის პარკით ტალახი მიიტანა.

  • მისი თქმით, ტალახი კახი კალაძის მმართველობის სიმბოლოა.

დეტალები: ლაშა ფარულავას თქმით, წერეთლის გამზირიდან მოტანილი ტალახი კორუფციული დანაშაულის ნივთიერი მტკიცებულებაა. მან აღნიშნა, რომ მერიას წერეთლის რეაბილიტაცია 2023 წელს უნდა დაესრულებინა, თუმცა

  • "დღეს 2024 წლის 17 იანვარია და კომპანიები, რომლებსაც წერეთლის რეაბილიტაცია უნდა დაესრულებინათ, აქ არ არიან", — ამბობს ლაშა ფარულავა.

ბოლო ხაზი: 16 იანვარს თბილისის მერიამ თანამშრომლობა შეწყვიტა ორ კონტრაქტორ კომპანიასთან, რომლებსაც წერეთლის გამზირის რეაბილიტაციის დასრულება ევალებოდათ. მერიამ კომპანიებთან თანამშრომლობის შეწყვეტის მიზეზად, კონტრაქტორი კომპანიების მხრიდან, "ვადების გადაცილება, გეგმა-გრაფიკთან ჩამორჩენა" დაასახელა.

  • დღეს, 17 იანვარს, თბილისის მერიამ, წერეთლის რეაბილიტაციის დასასრულებლად, ოთხი კომპანიასთან გააფორმა ხელშეკრულება, ესენია: ენკო, პარმა, ჯეო გრუპი და ბლექ სი გრუპი.

მსგავსი: მერია დააჯარიმებს კომპანიებს, რომლებიც წერეთლის გამზირის რეაბილიტაციაზე მუშაობდნენ