რა ხდება: ქარბუქისა და შეზღუდული მხედველობის გამო, კოდა–ფარცხისი–მანგლისი–წალკა-ნინოწმინდის საავტომობილო გზის (ფარავანის უღელტეხილი-ნინოწმინდა) მონაკვეთზე აკრძალულია მისაბმელიანი, ნახევრადმისაბმელიანი და 30 ადგილზე მეტი ტევადობის ავტობუსების მოძრაობა.

  • იმავე მონაკვეთზე სხვა სახის ავტოტრანსპორტის გადაადგილება თავისუფალია, — იუწყება საავტომობილო გზების დეპარტამენტი.
  • უწყების თანახმად, ამ დროისათვის საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

რთული მეტეოროლოგიური პირობების გამო, ბოლო დღეებში, გადაადგილების შეზღუდვა დაწესდა სხვადასხვა საავტომობილო გზაზე.

  • დღეს, 6 იანვარს, გაწმენდითი სამუშაოების შემდეგ აღდგა მოძრაობა ქუთაისი (ჭომა)-ალპანა-მამისონის უღელტეხილის საავტომობილო გზის 47-ე მონაკვეთზე, სადაც გადაადგილება აკრძალული იყო 5 იანვარს, ქვისცვენის გამო.
  • 4 იანვარს კი ზუგდიდი-ჯვარი-მესტია-ლასდილის საავტომობილო გზის მონაკვეთზე, კლდოვნი მასის ჩამოშლის გამო, გზის სავალი ნაწილი ჩაიკეტა.