რა ხდება: რუსეთის თქმით, აღკვეთეს უკრაინის თავდასხმა ბელგოროდზე.

  • ოფიციალური პირების თქმით, დრონები მანამდე ჩამოაგდეს, ვიდრე ისინი სასაზღვრო ქალაქამდე მიაღწევდნენ.
  • უკრაინას მომხდარის შესახებ კომენტარი ჯერ არ გაუკეთებია.

დეტალები: თავდასხმები ბელგოროდზე მას შემდეგ მოხდა, რაც რუსეთმა უკრაინაში ამ დრომდე ყველაზე დიდი შეტევა მიიტანა. უკრაინის პრეზიდენტის, ვოლოდიმირ ზელენსკის თქმით, რუსეთმა უკრაინის წინააღმდეგ, ბოლო 5 დღის განმავლობაში, 300 რაკეტა და 200 დრონი გამოიყენა.

  • ზელენსკის თქმით, მხოლოდ სამშაბათს 10 ზებგერითი რაკეტა ჩამოაგდეს.
  • რუსეთის თავდასხმების შედეგად, გუშინ, ქვეყნის მასშტაბით, 130-ზე მეტი ადამიანი დაიღუპა, ან დაიჭრა. შეტევა მიიტანეს ხარკოვსა და კიევზეც.
  • უკრაინის ძალებმა შაბათს ბელგოროდზე მიიტანა შეტევა, შედეგად, დაიღუპა 20 ადამიანი და 100-ზე მეტი დაიჭრა.
  • შუაღამისას აფეთქების ხმა ისმოდა სევასტოპოლშიც, ოკუპირებული ყირიმის ყველაზე დიდ ქალაქში. რუსეთის მიერ დანიშნული გუბერნატორის, მიხაილ რაზვოჟაევის თქმით, რაკეტა პორტის ტერიტორიაზე ჩამოაგდეს. შემთხვევას მსხვერპლი არ მოჰყოლია.