მოკლედ: გარემოს ეროვნული სააგენტოს ინფორმაციით, დღეს, 18:00 საათისთვის ძლიერი ქარი ჩადგება, 29 დეკემბერს კი უნალექო ამინდი იქნება, სუსტი ქარით.

  • დღეს საქართველოში ძლიერი ქართან ერთად, ნავარაუდევია ძლიერი თოვა ზოგ მაღალმთიან რეგიონში, ასევე, ქარბუქი და ზვავსაშიშროება.
  • ზღვაზე შესაძლებელია 4-5 ბალიანი შტორმი.
  • საავტომობილო გზების ცალკეულ მონაკვეთებზე დიდთოვლობის, ხილვადობის გაუარესების, ქარბუქის და ზვავსაშიშროების გამო შესაძლებელია შეიზღუდოს ტრანსპორტის მოძრაობა.
  • მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, ხოლო გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.

დღეს ძლიერმა ქარმა თბილისის რამდენიმე რაიონში ინფრასტრუქტურული პრობლემები შექმნა, ასევე, დააზიანა საახალწლო მორთულობები, წააქცია ხეები და დაამტვრია ხის ტოტები.

  • ძლიერ ქარს კახეთში 79 წლის კაცი ემსხვერპლა, იუწყება მედია.

უამინდობისგან შექმნილი პრობლემის არსებობის შემთხვევაში, შეგიძლიათ დარეკოთ თბილისის მერიის ცხელ ხაზზე - 2 72 22 22

მსგავსი: თბილისში ძლიერი ქარის გამო მიყენებული ზიანის შესახებ მერია ინფორმაციას ავრცელებს