ოდესმე დაინტერესებულხართ, რატომ დგება მანდარინის სურნელი მთელს ოთახში, როცა ამ ციტრუსს ფცქვნით? ეს დიფუზიის პროცესთანაა დაკავშირებული, რომლის შესახებაც ფიზიკის მასწავლებელი, ნინო შუბლაძე, პროექტის "STEM მარტივად" ფარგლებში მომზადებულ ახალ ვიდეოში გვესაუბრება.

იგი ხსნის, რა არის დიფუზია, როგორ მიმდინარეობს და რა გავლენა აქვს მასზე ტემპერატურას ან ნივთიერებათა გვარობას. ასევე, ვიდეოში დიფუზიის სადემონსტრაციო ექსპერიმენტებსაც ნახავთ, რომლებიც ამ პროცესზე დაკვირვების საშუალებას მოგცემთ.