რეჟისორი ჯო რაითი ახალი კინოპრემიერისთვის ემზადება, რომლის სიუჟეტიც ინგლისის პრემიერ მინისტრის უინსტონ ჩერჩილის გარშემო ვითარდება, მთავარ როლს კი გარი ოლდმანი ასრულებს.

ფილმში ძირითადი აქცენტი მეორე მსოფლიო ომის პერიოდზე კეთდება.

გარი ოლდმანის გარდა ფილმში ჯონ ჰარტიც თამაშობს, რომელიც 28 იანვარს 77 წლის ასაკში გარდაიცვალა. ჰარტი ფილმში ნევილ ჩემბერლენის როლს შეასრულებს.

კინოსურათი ეკრანზე 2017 წლის 22 ნოემბერს გამოვა.