აზერბაიჯანში, ნარკოდანაშაულის ბრალდებით დააკავეს უფლებადამცველი და ყოფილი პოლიციელი, რომელმაც 2 თვის წინ ადგილობრივ მედიასთან ისაუბრა, როგორ აყალბებს პოლიცია ნარკოდანაშაულს მთავრობის კრიტიკოსების წინააღმდეგ, მათი გაჩუმების მიზნით.

ილჰამიზ გულიევი, ოქტომბრის დასაწყისში, "აბზასმედიასთან" ანონიმურ ინტერვიუში მოჰყვა, როგორ უდებდა პოლიცია წამალს ხელისუფლების კრიტიკოსებს. რამდენიმე დღის შემდეგ მას წვრილმანი ხულიგნობისა და პოლიციისადმი დაუმორჩილებლობის ბრალდებით, 30-წლიანი პატიმრობა მიუსაჯეს.

""აბზასმედიამ" მასთან ინტერვიუ, ასევე, ჩაწერა იმის გამო, რომ ის ყოფილი პოლიციელია. მან ისაუბრა, როგორ უდებს ხალხს პოლიცია ნარკოტიკს და ახლა მას ჩაუდეს წამალი",— თქვეს გულიევის ნათესავებმა OC Media-სთან.

ის ორშაბათს დააკავეს, 1 თვის შემდეგ, რაც ადმინისტრაციული პატიმრობიდან გათავისუფლდა.

გულიევის ახლობლები OC Media-სთან, ასევე, ამბობენ, რომ პოლიციამ ფიზიკური შეურაცხყოფა მიაყენა გულიევს და მას თავის არეში აქვს დაზიანება. მათი მტკიცებით, ის მოგვიანებით აწამეს კიდეც.

გულიევის ადვოკატი, ზიბეიდა სადიგოვამ OC Media-ს განუცხადა, რომ მისი დაცვის ქვეშ მყოფი, მასთან შეხვედრისას, კოჭლობდა.

დაკავებულის ოჯახის წევრები ამტკიცებენ, რომ სამართალდამცველები გულიევს უთვალთვალებდნენ და კვირაზე მეტი ხნის განმავლობაში დასდევდნენ. მათივე თქმით, აქტივისტმა, სიფრთხილის მიზნით, გაიკეთა ნარკოტესტიც, რათა დაემტკიცებინა, რომ ის წამალს არ მოიხმარს. ხალხს, რომელიც აზერბაიჯანის მთავრობას აკრიტიკებს, ნარკოდანაშაულის ბრალდებით ხშირად აკავებენ.

გულიევის ნარკოტესტის შედეგი, რომელიც 17 ნოემბერს არის გაცემული

გულიევის ნარკოტესტის შედეგი, რომელიც 17 ნოემბერს არის გაცემული

ფოტო: Guliyev’s drug test results issued by the National Narcotics Centre on 17 November 2023. Image courtesy of his family.

ნათესავების თქმით, შს სამინისტრო აცხადებს, რომ გულიევი არასოდეს ყოფილა პოლიციელი, მიუხედავად იმისა, რომ იგი იყო რაჰიბ ალიევის თანაშემწე, არიმანოვის რაიონის პოლიციის გამომძიებელი.

გულიევმა პოლიცია მთიანი ყარაბაღის მეორე ომის შემდეგ დატოვა, ის მოქალაქეთა უფლებების ინსტიტუტის აღდამის რაიონის მენეჯერი გახდა. ეს ორგანიზაცია უწევს იურიდიულ დახმარებას უწევს ბიზნესის მფლობელებს და ოჯახებს, ვინც ქონება ომის დროს დაკარგა.

მისმა ადვოკატმა სადიგოვამ განაცხადა, რომ გულიევი ბრალს არ აღიარებს.

"ის სასამართლოში ჯერ არ მიუყვანიათ, რადგან ნარკოტიკების რაოდენობა დადგენილი არ არის”, — განუცხადა მან OC Media-ს.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.