სომხეთის პოლიციამ დააკავა რამდენიმე ადამიანი, რომლებიც, მათი თქმით, მთავრობის "მიუღებელ დამოკიდებულებას“ აპროტესტებდნენ ქვეყნის უსაფრთხოებისა და მთიანი ყარაბაღის კონფლიქტის მიმართ.

შაბათს პოლიციამ მოძრაობა Zang-ის რვა წევრი დააკავა, ისინი მაშტოცის გამზირზე, ერევნის მთავარ პროსპექტზე, კარვის გაშლას ცდილობდნენ.

ისინი იმავე დღეს გაათავისუფლეს, მაგრამ რამდენიმე მათგანი კვირას კვლავ დააკავეს, იმის გამო, რომ მათი პროტესტი ტროტუარზე არ შემოიფარგლებოდა.

მოძრაობა Zang, რომელსაც ადრე "ღირსების მოძრაობა" ერქვა, წლის დასაწყისში ჩამოყალიბდა. მას სათავეში უდგას რამდენიმე ყოფილი დეპუტატი მმართველი ალიანსიდან"ჩემი ნაბიჯი" და ოპოზიციური "მოქალაქეთა გადაწყვეტილების" პარტიიდან.

მათი გაცხადებული მიზანია, აიძულონ მთავრობა გადადგეს და "ჰყავდეთ სუვერენული სახელმწიფო, რომელიც შეძლებს საკუთარი პრობლემების გადაჭრას".

კვირას, პროტესტის მონაწილეების ბოლო დაკავებამდე, მოძრაობის წევრმა და ყოფილმა დეპუტატმა, "ჩემი ნაბიჯის“ წევრმა ტატევიკ ჰაირაპეტიანმა განაცხადა, რომ მოძრაობამ უნდა "გაუძლოს ამ დარტყმას, აჩვენოს, რომ არ შეიძლება აზერბაიჯანელები მოვიდნენ და ქვეყანას "დასავლეთ აზერბაიჯანი“ უწოდონ, ნიკოლ ფაშინიანმა კი ბრძოლა დათმო”.

მოძრაობის კიდევ ერთმა წევრმა, მიქაელ ნაჰაპეტიანმა განაცხადა, რომ ჯგუფი ცდილობს "გადაიცეს ცეცხლად, ხალხის გაყინული გულების გასათბობად, გააქროს ხალხის შიშები, ჩაუნერგოს მათ ნდობა, რომ მოვიდნენ და დადგნენ იმ მიზნების გვერდით, რომელსაც ისინი სთავაზობენ“.

მან ასევე გამოაცხადა მარშის გეგმების შესახებ, "სიმბოლური კარვის გაშლის მიზნით, სადაც კი გვსურს და შევინარჩუნოთ მანამ, მოქალაქეებს ამისი ძალა ექნებათ".

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.