ჯორჯიან უოთერ ენდ ფაუერი დიდ დიღომში, ასი ათასი მოწამის ქუჩის მიმდებარედ, წყალმომარაგების გაუმჯობესების მიზნით სარეაბილიტაციო სამუშაოებს ატარებს.

სამუშაოების ფარგლებში ახლით იცვლება 350 მეტრი სიგრძის წყალსადენის მოძველებული მაგისტრალური ქსელი. ჯივიპი აღნიშნულ პროექტში ნახევარ მილიონ ლარამდე ინვესტიციას ახორციელებს.

"ჯივიპის ახალი მფლობელი, ესპანური კომპანია აქუალია, თბილისის წყალმომარაგების გაუმჯობესების მიზნით აქტიურად მუშაობს და 2023 წლის საინვესტიციო გეგმის ფარგლებში სარეაბილიტაციო პროექტებს ახორციელებს. ამ ეტაპზე სარეაბილიტაციო სამუშაოები აქტიურად მიმდინარეობს დიდ დიღომში, ასი ათასი მოწამის ქუჩის მიმდებარედ, სადაც იცვლება წყალმომარაგების მოძველებული ქსელი. პროექტში ჯივიპი ნახევარ მილიონ ლარამდე ინვესტიციას ახორციელებს." — აკაკი ნიკოლაიშვილი, განაშენიანების პროექტების მართვის დეპარტამენტის უფროსი.

სარეაბილიტაციო პროექტი მიმდინარე წლის დეკემბრის ბოლოს დასრულდება, შედეგად, დიდ დიღომში, ასი ათასი მოწამის და მიმდებარე ქუჩების მოსახლეობას წყალმომარაგება და მომსახურების ხარისხი მნიშვნელოვნად გაუუმჯობესდება.