რა ხდება: კატარი, რომელიც ისრაელსა და ჰამასის მოლაპარაკებებში მედიატორის როლს ასრულებდა, ამბობს, რომ ცეცხლის დროებითი შეწტვეტის შესახებ შეთანხმება პარასკევს დილის 7 საათზე ამოქმედდება.

  • ტყვეების პირველ ჯგუფს კი შუადღისას გაათავისუფლებენ.

დეტალები: კატარის საგარეო საქმეთა სამინისტროს წარმომადგენლის, მაჯიდ ალ-ანსარის თქმით, ღაზიდან დატყვევებული ისრაელელები 16 საათზე გამოვლენ.

  • მისი თქმით, კრიტერიუმი, თუ ვის გაათავისუფლებენ, ჰუმანიტარული მიზნებით განისაზღვრა — რაც შეიძლება მალე გათავისუფლდნენ ქალები და ბავშვები.
  • მაჯიდ ალ-ანსარი ამბობს, რომ ჰამასი პარასკევს 13 ტყვეს წითელ ჯვარს გადასცემს.

ბოლო ხაზი: შეთანხმების მიხედვით, ჰამასმა, 4-დღიანი ზავის პერიოდში, 50 ტყვე უნდა გაათავისუფლოს.

  • ისრაელი კი მათ გადასცემს 150 პალესტინელ პატიმარს — ყველა მათგანი ქალი და ბავშვია.
  • 7 ოქტომბერს, ისრაელზე თავდასხმის შედეგად ჰამასმა ტყვედ 240-ზე მეტი ადამიანი აიყვანა.