აზერბაიჯანის პოლიციამ AbzasMedia-ს მთავარი რედაქტორი დააკავა. მასთან ერთად დაკავებულია პირი, რომელიც გამოცემასთან თანამშრომლობდა.

მთავარი რედაქტორი სევინჯ ბაგიფგიზი დღეს დილის საათებში დააკავეს, ბრიუსელიდან დაბრუნების შემდეგ. მაჰამად კეკალოვი კი, რომელიც შშმ პირების უფლებების აქტივისტი და ასევე, ადაპტირებული მოდის დიზაინერია, გუშინ დააკავეს.

ვაგიფგიზის დაკავებამდე ერთი დღით ადრე, პოლიციამ, AbzasMedia-ს ოფისში რეიდის დროს, კომპანიის დირექტორი, ულვი ჰასანლი დააკავა.

აზერბაიჯანელმა ჟურნალისტმა, ისლამ სიხალიმ OC Media-ს განუცხადა, რომ ვაგიფგიზი დღეს, გამთენიისას, დაახლოებით 03:30 საათზე დააკავეს, გაჩხრიკეს მისი სახლიც.

ჰასანლის და ვაგიფგიზის ბრალად ედებათ, ორგანიზებული ჯგუფის ფარგლებში, კონტრაბანდულ საქმიანობაში. პოლიციამ, არსებული ინფორმაციით, გამოცემის ოფისის ჩხრეკისას, 40 ათასი ევრო იპოვა.

გამოცემამ სამართალდამცველები, ჰასანლისთვის ცრუ ბრალდების წასაყენებლად, თანხის ჩადებაში დაადანაშაულა. ამ ტაქტიკაში პოლიცია აქამდეც დაუდანაშაულებიათ.

ვაგიფგიზიმ ბრალდებები უარყო და აზერბაიჯანის ხელისუფლება AbzasMedia-ს მუშაობის შეფერხებაში დაადანაშაულა.

AbzasMedia ცნობილია საგამოძიებო სიუჟეტებით, მათ შორის, ალიევების ოჯახის საქმიან გარიგებებზე, ასევე, 2020 წლიდან, მთიანი ყარაბაღის აღდგენითი სამუშაოებისას კორუფციული საქმიანობების შესახებ.

გავრცელებული ინფორმაციით, მაჰამედ კეკალოვი საკუთარ სახლში დააკავეს სამოქალაქო ტანსაცმელში ჩაცმულმა პოლიციელებმა, რომლებმაც ჩამოართვეს პირადი ნივთები, მათ შორის, კომპიუტერი.

მისმა ადვოკატმა, როვშანა რაჰიმლიმ OC Media-ს დღეს განუცხადა, რომ რომ მან ჯერ კიდევ არ იცოდა, სად იმყოფება მისი დაცვის ქვეშ მყოფი.

”მე მივმართე რამდენიმე სახელმწიფო უწყებას, ბაქოს ქალაქის მთავარ პოლიციის დეპარტამენტს, ადამიანის უფლებათა კომისრის ოფისს და სხვა ინსტიტუტებს. ადამიანის უფლებათა კომისრის ოფისში თქვეს, რომ მოიძიებენ ინფორმაციას და დამიკავშირდებიან", — თქვა რაჰიმლიმ.


"სამართლებრივი აბსურდი"

AbzasMedia-ზე შეტევას აზერბაიჯანის ჟურნალისტებისა და აქტივისტების კრიტიკა მოჰყვა, ზოგი მათგანი მომხდარს "თეატრალურ წარმოდგენად“ აფასებს და ბაქოს მიერ სიტყვისა და პრესის თავისუფლების ხელყოფის გაგრძელებას უწოდებს.

გამომძიებელი ჟურნალისტი ხადიჯა ისმაილი ამბობს, რომ დაკავებები არის "სამართლებრივი აბსურდი" და "ქვეყნის ხელმძღვანელობის სისუსტის გამოვლინება".

"ხელისუფლებამ, როგორ ყოველთვის, გამოაჩინა საკუთარი სიმახინჯე. ორმა ახალგაზრდა ჟურნალისტმა გააბრაზა კორუმპირებული მაღალჩინოსნების არმია, მათ შორის, პრეზიდენტი", — თქვა მან.

დღესვე, აზერბაიჯანელმა ჟურნალისტებმა და აქტივისტებმა ერთობლივი განცხადება გაავრცელეს, სადაც დაგმეს AbzasMedia-ს მთავარი რედაქტორისა და დირექტორის დაპატიმრება და მომხდარი ბაქოს მიერ სიტყვის თავისუფლების "დაუნდობელი რეპრესიების" ნაწილად შეაფასეს.

"AbzasMedia-ზე შეტევა არის პოლიტიკური სისტემის დაუნდობელი დამოკიდებულების გამოხატულება თავისუფალი პრესის მიმართ. ჩვენ გვჯერა, რომ ყველა ამ რეპრესიაზე პასუხისმგებლობა ეკისრება პრეზიდენტ ილჰამ ალიევს, რომელმაც საერთაშორისო ღონისძიებებზე ცალსახად განაცხადა, რომ "მედია თავისუფალია“ აზერბაიჯანში".

დაპატიმრებები დაგმო, ასევე არაერთმა საერთაშორისო ორგანიზაციამ და მოითხოვა ჰასანლისა და მისი კოლეგების გათავისუფლება, მათ შორის იყვნენ — Amnesty International, რეპორტიორები საზღვრებს გარეშე, ჟურნალისტთა დაცვის კომიტეტი და საერთაშორისო პრესის ინსტიტუტი.

სტატიაში წარმოდგენილი შეხედულებები ეკუთვნის ავტორს და არ წარმოადგენს On.ge-ის პოზიციას. მასალა ქვეყნდება OC Media-სთან პარტნიორობის ფარგლებში, რომლის შედეგად, გამოცემის სტატიები ამიერიდან ოთხ ენაზე გავრცელდება. საქართველოში OC Media-ს პარტნიორი On.ge-ა. სტატია ინგლისურად შეგიძლიათ წაიკითხოთ აქ.