ფოტო, სადაც ჩანს ნანგრევებში მოყოლილი ბავშვი, ინტერნეტში ვირუსულად გავრცელდა. მას აზიარებენ პალესტინის მხარდამჭერები აღწერით "ისრაელი ბავშვებს კლავს".

დაკვირვების შემთხვევაში, ადვილად შევამჩნევთ, რომ ფოტო ყალბია.

როგორ ამოვიცნოთ?

  • პირველ რიგში, შესამჩნევია გადაჭარბებული მიმიკა, განსაკუთრებით, ნიკაპსა და შუბლზე.
  • თუ კიდევ უფრო ახლოს დავაკვირდებით, ჩანს, რომ ბავშვს ზედმეტი რაოდენობის თითი აქვს. მართალია, ხელოვნური ინტელექტი სულ უფრო აუმჯობესებს ადამიანების გამოსახულების შექმნას, თუმცა მას ჯერ კიდევ უჭირს სხეულის კონკრეტული ნაწილების გამოსახვა, მათ შორის — ხელების და ფეხების.

ამ ინფოგრაფიკაში გთავაზობთ 5 მარტივ გზას, რომელიც ხელოვნური ინტელექტით გენერირებული ფოტოს ამოცნობაში დაგეხმარებათ.

ფოტო: ნატალია ავალიანი / On.ge

მასალა შექმნილია ევროკავშირის ფინანსური მხარდაჭერით. მის შინაარსზე პასუხისმგებელია EU4IM-ის ბენეფიციარი On.ge. სტატიაში გამოთქმული მოსაზრებები, შესაძლოა, არ ასახავდეს ევროკავშირის შეხედულებებს.