გაეროს სააგენტოებმა და საერთაშორისო საქველმოქმედო ორგანიზაციებმა ერთობლივი განცხადება გაავრცელეს, სადაც მოითხოვენ, ღაზაში ცეცხლი დაუყოვნებლივ შეწყდეს.

რა წერია განცხადებაში: "უკვე ერთი თვეა, მსოფლიო შოკირებული და შეშინებული ადევნებს თვალს შექმნილ მდგომარეობას ისრაელსა და ოკუპირებული პალესტინის ტერიტორიაზე, დაღუპულების რიცხვი სწრაფად იზრდება.

  • ათობით ათასი ადამიანი დევნილად იქცა. ეს საშინელებაა," - წერენ ავტორები.
  • განცხადებაში, ასევე, აღნიშნულია, რომ ისრაელში კონფლიქტს 1400 ადამიანი ემსხვერპლა და 200-ზე მეტი ჰამასს ტყვედ ჰყავს აყვანილი.
  • გაეროს ინფორმაციით, 7 ოქტომბრის შემდეგ გაერო-ს პალესტინელი ლტოლვილების დახმარების სააგენტოს (UNWRA) 88 თანამშრომელი დაიღუპა, რაც ყველაზე დიდი დანაკარგია გაეროსთვის, რომელიც ერთი კონფლიქტის დროს დაფიქსირებულა.
  • "ღაზაში მშვიდობიანი მოსახლეობის მოკვლა აღმაშფოთებელია. 2,2 მლნ პალესტინელი საკვების, წყლის, მედიკამენტების, ელექტროენერგიისა და საწვავის გარეშეა დარჩენილი. ყველაფერს აქვს საზღვარი, ეს ახლავე უნდა შეჩერდეს!" - ნათქვამია განცხადებაში, რომლის ხელმომწერებს შორის არიან ჯანდაცვის მსოფლიო ორგანიზაცია, იუნისეფი, მსოფლიო კვების პროგრამა, "გადაარჩინე ბავშვები", CARE International და სხვა.

ვპალესტინის ჯანდაცვის სამინისტროს ინფორმაციით, ღაზაში ომს, 7 ოქტომბრის შემდეგ, 9700-ზე მეტი ადამიანი ემსხვერპლა.