მოკლედ: ჯანდაცვის სამინისტრო აცხადებს, რომ 14 ნოემბრიდან, თბილისში, ზუგდიდში, ქუთაისსა და რუსთავში, ახალაშენებულ კორპუსებში განსახლების მსურველი დევნილი ოჯახების განაცხადების მიღება იწყება.

დეტალები: ახალი განაცხადი უნდა შეავსოს ყველა იმ ოჯახმა, ვისაც დევნილთა განსახლების პროგრამის ფარგლებში, საცხოვრებელი ფართის მიღება სურს.

  • თბილისში ბინის მისაღებად, განაცხადით მიმართვა შეუძლიათ იმ დევნილ ოჯახებს, რომლებიც დედაქალაქში, 2013 წლის 1 ივნისამდე არიან რეგისტრირებულები.
  • ზუგდიდში, ქუთაისსა და რუსთავში კი, განაცხადის გაკეთება, საქართველოს ნებისმიერ რეგიონში რეგისტრირებულ დევნილ ოჯახებს შეუძლია.
  • განაცხადები, ქვეყნის მასშტაბით არსებულ იუსტიციის სახლებში, 2024 წლის 1 თებერვლამდე მიიღება.

ბოლო ხაზი: მთავრობა აცხადებს, რომ 2023-2025 წლებში, საცხოვრებელს 13 000-მდე დევნილი ოჯახი მიიღებს, საიდანაც 7000-ზე მეტ ოჯახს ახალი ბინები გადაეცემა, ხოლო 6000 ოჯახი "სოფლად სახლის" პროგრამის ფარგლებში დაბინავდება. პროექტის ბიუჯეტი 900 მილიონ ლარს შეადგენს.