საბადრაგო ჯგუფის უფროსს, რომლებსაც ავერსის კლინიკაში, კვლევებზე მიყვანილი პაციენტები გაექცა, პროკურატურამ ბრალი წარუდგინა.

დეტალები: გამოძიებით, რომელიც იუსტიციის სამინისტროს გენინსპექციამ ჩაატარა, დადგინდა, რომ

  • საბადრაგო ჯგუფის უფროსმა არ შეასრულა ბადრაგირების დადგენილი წესი, მსჯავრდადებულები დატოვა მეთვალყურეობის გარეშე და სათანადოდ არ ჩაკეტა სატრანსპორტო საშუალების კარები.
  • სამმა მსჯავრდადებულმა, ღია კარიდან, დაუბრკოლებლად დატოვა სატრანსპორტო საშუალება და მიიმალა.

სამართალდამცველებმა საბადრაგო ჯგუფის უფროსი 2 ნოემბერს დააკავეს.

  • პროკურატურა აღკვეთის ღონისძიების სახით პატიმრობის შეფარდების მოთხოვნით, თბილისის საქალაქო სასამართლოს კანონით დადგენილ ვადაში მიმართავს.