სამედიცინო კვლევებისას გაქცეული სამი პატიმრიდან ერთ-ერთი დააკავეს.

  • დაკავებულია, ასევე, ბადრაგის წევრიც, რომელიც ავერსის კლინიკაში პატიმრებთან ერთად იმყოფებოდა.
  • ინფორმაცია On.ge-ს იუსტიციის სამინისტროში დაუდასტურეს.
  • უწყების ცნობით, ბადრაგის წინააღმდეგ საქმე 342' პრიმა მუხლის პირველი ნაწილით მიმდინარეობს, რაც პენიტენციური სამსახურის თანამშრომლის მიერ საქმისადმი დაუდევარი დამოკიდებულების გამო პატიმრის გაქცევას ითვალისწინებს და ისჯება თავისუფლების აღკვეთით ვადით სამ წლამდე.

ვინ არიან პატიმრები, რომელსაც პოლიცია მეორე დღეა, ეძებს: მათ შესახებ იუსტიციის მინისტრმა არაფერი თქვა.

  • რატი ბრეგაძეს არც ის უთქვამს, თუ რა დანაშაულის გამო იხდიან ისინი სასჯელს.
  • მან გუშინ თქვა, რომ დეტალებზე საუბარი გამოძიებას ხელს შეუშლის.

გავრცელებულ ინფორმაციას, რომ სამივე პატიმარი არასრულწლოვანია, On.ge-ს იუსტიციის სამინისტროში არ უდასტურებენ, თუმცა, არ ამბობენ, რომ — არა.