დეპუტატებმა კანონპროექტი "ადამიანის ორგანოთა გადანერგვის შესახებ", მესამე მოსმენით, ერთხმად მიიღეს 81 ხმით.

ეს რას ნიშნავს? პარლამენტის ცნობით, კანონი ახლებურად აწესრიგებს:

  • მკურნალობის მიზნით ადამიანის ორგანოების გადანერგვის ძირითად პრინციპებს;
  • ცოცხალი დონორისაგან ორგანოს დონაციასთან დაკავშირებულ სამართლებრივ ურთიერთობებს;
  • გარდაცვლილის ორგანოს დონაციასთან დაკავშირებულ სამართლებრივ ურთიერთობებს;
  • განსაზღვრავს დონორისა და რეციპიენტის უფლებებს.

დეტალები: კანონი არეგულირებს გადანერგვისთვის განკუთვნილი ორგანოების ხარისხთან, უსაფრთხოების სტანდარტებთან, ეთიკურ პრინციპებთან, ასევე, გადანერგვის სფეროს მართვასთან, მათ შორის, ინსპექტირებასთან და ლიცენზირებასთან დაკავშირებულ საკითხებს.