დიდუბის რაიონში, შოთა შალიკაშვილის სახელობის ხიდის რეაბილიტაცია დასრულდა.

  • მოძრაობა და გადაადგილება ხიდზე უკვე თავისუფლად არის შესაძლებელი.
  • რეაბილიტაციისთვის 4 მილიონ 200 ათასი ლარი იყო გამოყოფილი.

რა შეიცვალა: კახა კალაძის თქმით,

  • მოეწყო სანიაღვრე ცხაურები, დაიგო ასფალტის საფარი, მოეწყო ტროტუარი, აღდგა და განახლდა ხიდზე არსებული ლითონის მოაჯირები, მოეწყო გარე განათების ქსელი, დამონტაჟდა LED ლამპიონები და დეკორატიული მინათებები.

როდის დასრულდება წერეთლის გამზირის რეაბილიტაცია: მერიის მიხედვით, 2024 წლის იანვარში.

  • მოეწყობა ტროტუარები, დაიგება ასფალტის საფარი.
  • ფეხით მოსიარულეთა უსაფრთხოების მიზნით, მოეწყობა კუნძულები და ზებრა გადასასვლელები.
  • გზის სავალ ნაწილზე გამოიყოფა ავტობუსის ზოლი;
  • ინფრასტრუქტურა ადაპტირდება შშმ პირებისთვის.

ბიუჯეტი: პროექტის ჯამური ღირებულება 32 600 000 ლარს შეადგენს, აქედან წერეთლის გამზირის რეაბილიტაციისთვის 28 მილიონ 400 ათასი ლარია გამოყოფილი, დანარჩენი — ხიდის რეაბილიტაციისთვის დაიხარჯა.