ამერიკის შეერთებული შტატების პრეზიდენტის, დონალდ ტრამპის შვილმა, ივანკა ტრამპმა გერმანიაში, ჰამპურგში მიმდინარე დიდი ოცეულის (G20) ლიდერების შეხვედრაზე მამის ადგილი დროებით დაიკავა. ამ ინფორმაციას BBC ავრცელებს.

BBC-ის ჟურნალისტის ინფორმაციით, ივანკა ტრამპი ამერიკის პრეზიდენტის მრჩეველია და მან მამის ადგილი მას შემდეგ დაიკავა, რაც დონალდ ტრამპმა სამიტი ინდონეზიის ლიდერებთან შეხვედრის გამო დატოვა. ჟურნალისტი ამბობს, რომ მას მსგავსი შემთხვევა არ ახსენდება და დასძენს, რომ ამის გამო სოციალურ მედიაში კრიტიკა გავრცელდა.

გამოცემის ინფორმაციით, დონალდ ტრამპის არ ყოფნის დროს, მის შვილს აფრიკის მიგრაციისა და ჯანმრთელობის მდგომარეობის საკითხების განხილვაში წვლილი არ შეუტანია.