ამის შესახებ ინფორმაციას შინაგან საქმეთა სამინისტრო ავრცელებს.

რა ხდება: უწყების ცნობით, ბრალდებულმა ადამიანებით ვაჭრობის სქემა შეიმუშავა.

  • გეგმის სისრულეში მოყვანისთვის, ის მეუღლეს ფსიქოლოგიური ზეწოლითა და მუქარით, ბათუმში მოწყალების თხოვნას აიძულებდა.
  • გარდა ამისა, შსს-ს ინფორმაციით, ბრალდებულმა შშმ პირი თბილისიდან ქუთაისში მოტყუებით წაიყვანა და საავტომობილო გზებზე მოწყალების შეგროვებას აძალებდა.
  • იმ შემთხვევაში, თუ დაზარალებულები მოთხოვნებს არ დაემორჩილებოდნენ, მათ ფიზიკურად უსწორდებოდა.

დეტალები: გამოძება სისხლის სამართლის კოდექსის 143-ე პრიმა მუხლის მეორე და მესამე ნაწილით მიმდინარეობს, რაც ორი ან მეტი პირის მიმართ ადამიანით ვაჭრობას გულისხმობს.

  • დანაშაული 12-დან 15 წლამდე ვადით თავისუფლების აღკვეთას ითვალისწინებს.