რა ხდება: რუსულმა დრონებმა, გასულ ღამით, შეტევა მიიტანეს რაიონზე, რომელიც ხმელნიცკის ატომურ ელექტროსადგურთან მდებარეობს.

  • BBC-ის რუსულენოვანი ბიურო, ამის შესახებ, უკრაინის ენერგეტიკის სამინისტროზე დაყრდნობით წერს.

დეტალები: აფეთქების შედეგად, დაიმსხვრა ატომური ობიექტის ადმინისტრაციული და ლაბორატორიული კორპუსების ფანჯრები.

  • უკრაინის ოფიციალური უწყებების ცნობით, უკრაინის ტერიტორიას, გასულ ღამით, სულ 11 დრონი დაესხა თავს და თერთმეტივე მოიგერიეს, თუმცა ერთ-ერთის ფრაგმენტების ჩამოვარდნამ, კრიტიკული ინფრასტრუქტურის ობიექტზე, აფეთქება გამოიწვია და ხმელნიცკის ოლქში 16 ადამიანი დაშავდა.
  • უკრაინის სამაშველო სამსახურის ინფორმაციით, ქალაქებში - სლავუტასა და ნეტიშინში, აფეთქების ტალღამ, სხვა შენობებთან ერთად, დააზიანა სახანძრო-სამაშველო და პოლიციის განყოფილებები.
  • ხმელნიცკის ატომური ელექტროსადგური, ქალაქ სლავუტადან, რომელზეც რუსებმა დრონებით მიიტანეს შეტევა, 17 კილომეტრის დაშორებით მდებარეობს, ნეტეშინი კი - 1.5 კმ-ს დაშორებით.