104 წლის ამერიკელი დოროთი ჰოფნერი პირველ ოქტომბერს ყველაზე ხანდაზმული ადამიანი გახდა, რომელმაც პარაშუტით იფრინა. რეკორდის დამყარებიდან 1 კვირაში კი, დოროთი საკუთარ სახლში გარდაიცვალა.

დოროთი თავის ინსტრუქტორთან ერთად პარაშუტით 4000 მეტრზე მეტი სიმაღლიდან დაეშვა. ამ ამბავს სოციალურ ქსელებში დიდი გამოხმაურება მოჰყვა და დოროთის ბევრი ადამიანი მხარსაც უჭერდა. პარაშუტით ხტომიდან დაბრუნებულმა დოროთიმ კი შეკრებილ ჟურნალისტებს უთხრა, რომ "ასაკი მხოლოდ რიცხვებია".

"ამ ყველაფერს რეკორდის გამო არ აკეთებდა. ამაზე იმიტომ დათანხმდა, რომ პარაშუტიდან ხტომის გამოცდილების მიღებას სურდა", — ამბობს დოროთის ახლო მეგობარი, რომელმაც ასევე დასძინა, რომ 104 წლის ქალი ყოველთვის ენერგიული იყო და ხალხში ყოფნაც უყვარდა.

როგორც დოროთის გულშემატკივრები იხსენებენ, პარაშუტით ხტომის დროს ის სულაც არ ღელავდა. ვიდეოში კი ვხედავთ, რომ 104 წლის რეკორდსმენი პარაშუტით ფრენისას იღიმის კიდეც და მიზნის მიღწევით აშკარად ბედნიერია. დოროთიმ 104 წლის ასაკში ყველაზე ხანდაზმული პარაშუტისტის ტიტული 103 წლის შვედ ქალს ჩამოართვა, რომელმაც რეკორდი 2022 წლის მაისში დაამყარა.